CHAPTER 157

“PAGBIGYAN mo ako ng isang gabi lang. Gusto ko lang matiyak kung bakit sa dinami-dami ng babae ditto, bakit ikaw ang hinahanap ko. Pagkatapos nito, hindi na kita guguluhin pa,” sabi ni Matt kay Natalia.

Napaisip siya. Sasama ba siya sa lalaking ito? Pagbibigyan na naman ba niya itong saktan siya? Hindi niya kayang tumanggi. God knows kung gaano niya pinanabikan ang sandaling muli itong makasama.

“Ate, don’t tell me pagkatapos ng lahat ng hirap na pinagdaanan mo, sasama ka pa rin sa kanya? Maayos ka na at. . .”

“Girlie, please. Hayaan mo muna akong magdesisyon,” nakikiusap na sabi niya rito saka tumingin kay Matt, “Sige, pagbibigyan kita. Sasama ako saiyo ngayong gabi. Gusto ko ring magkaroon ng closure ang lahat ng ito sa pagitan natin. Pagbibigyan ko lang rin ang sarili ko. P-pero pagkatapos nito, ipangako natin sa mga sarili natin na titigilan na natin ang isa’t-isa. Pagkatapos ng gabing ito, buburahin na kita sa mga ala-ala ko. . .”