CHAPTER 154

INAAPOY NG LAGNAT SI NATALIA at pangalan ni Matt ang binabanggit niya. Napatingin si Mang Oliver kay Girlie, saka napailing, “Hindi ko alam na mahihibang ng ganito ang Ate mo sa lalaking iyon,” hindi makapaniwalang sabi niya saka tumayo.

“Pang san kayo pupunta?” Takang tanong ni Girlie.

“Kakausapin ko si Matt. Baka magkasakit ng tuluyan ang Ate mo. Hindi ko na alam kung anong gagawin ko at kasalanan ko ang lahat ng ito.”

“Anong sasabihin ninyo kay Matt? Na nagkakasakit na si Ate sa sobrang kaiisip sa kanya? Para ano, Papang? Para mas lalo lang kutyain ng lalaking iyon?” Sabi ni Girlie na pinigilan siya, “Wag na Papang. Pasasaan ba at makakalimutan rin ni Ate ang lalaking iyon. Mabuti pa ipagluto nyo na lang siya ng lugaw. Pupunta ako sa palengke at mamimili ako ng mga gulay. Masustansyang pagkain ang kailangan ni Ate at hindi ang lalaking iyon!” Sabi nitong tumayo na para magtungo sa palengke.

Napabuntong hininga ng malalim si Mang O