CHAPTER 153

NANGANGATAL SA GALIT si Elena nang ibalita ni Bamboo ang pagdating ni Natalia sa mansion kagabi. Ipinagbabato niya ang lahat ng makita niya sa loob ng kanyang opisina. Kinasusuklaman niya si Natalia. Kung siya nga lamang ang masusunod ay hindi na siya aalis pa sa bahay ni Matt ngunit ito mismo ang nagtaboy sa kanya paalis. Ayaw na niyang tumuntong pa kahit na kalian ang Natalia na iyon sa pamamahay ni Matt.

Nagmamadali siyang tumayo at tinawagan ang kanyang driver para magpahatid sa bahay ni Natalia. Once and for all ay gusto na niyang tapusin ang ugnayan ni Natalia kay Matt. Kung pera ang habol nito sa lalaki, magbabayad siya kahit na magkano, lumayo lang ito kay Matt, lumayo lang ito sa buhay nila.

Palagay niya ay ito ang balakid kung kaya’t hindi siya magawang mahalin ng binata. Naiinis siya na parang namamalimos siya ng pagmamahal kay Matt. Napakalayo sa kanyang personalidad ang magpakababa ng ganito and yet nagagawa niya sa sobra niyang pagmamahal