CHAPTER 155

NABITIWAN NI NATALIA ang hawak na walis tambo nang makita si Matt. “A-Anong ginagawa mo ditto sa bahay?” Sita niya rito kahit na nanabik na siya at gustong-gusto na niya itong yakapin. Hindi yata niya ito kayang tikisin.

Hinawakan nito ang isang kamay niya, “Come with me. Babayaran kita kahit na magkano,” sabi nitong hinila na siya papasok ng kotse. Pakiramdam niya ay wala siyang lakas ng loob na tutulan ang kagustuhan nito dahil mismong sarili niya ay nanabik na makasama ito.

“Ate Nat!” Dinig niyang tawag ni Girlie sa kanya. Natigilan siya. “Huwag mong sabihing magpapauto ka na naman sa lalaking ‘yan?” Asar na sabi nito sa kanya saka nilapitan si Matt at inis na itinulak saka hinila siyang palayo sa lalaki.

Nakikiusap ang mukha niya kay Girlie ngunit tiningnan lang siya nito nang matalim saka hinarap na muli si Matt, “Pwede bang layuan mon a ang Ate ko. Wala kaming pakialam sa pera mo. Tantanan mo na si Ate. Hindi siya kagaya ng ibang babae