Kabanata 0006

Halos lumuwa ang mga mata ni Avva nang makatapak siya sa isa sa mga Villa ng mga Thompson. Napakalawak nito at ang bawat dinaanan nila ay nagsusumigaw at nagpapakita ng pambihirang yaman. Mula siya sa mayamang angkan pero ito ang unang beses na namangha nang husto ang kaniyang mga mata! Sigurado siyang gagapang pabalik sa kaniya ang kaniyang mga kapatid at mga magulang kapag nalaman ng mga ito na siya ang magiging asawa ng isang Gavin Thompson! Itinakwil siya ng mga ito dahil sa kinasangkutan niyang scandal, limang taon na ang nakalilipas at si Maya ang lubos niyang sinisi sa lahat ng mga kamalasang dumating sa buhay niya. Sagad man sa buto ang pagkamuhi niya rito ay pilit niyang sinikmura na makita at makasama ito araw-araw para lang masaksihan ang paghihirap nito! Sa kasamaang palad ay mas naging mahirap siya rito dahil sa angkin nitong sipag at diskarte sa buhay.

“Mommy, sobrang yaman po pala ni daddy!’ bulalas ni Hivo habang iniikot ang kaniyang mga mata sa lugar.

“Oo nga po, mommy! Mukhang lahat po ng mga gamit dito sa loob ng palace nila ay mga mamahalin! He's like a king and you will become his queen tapos kami naman po ni Hivo ang magiging prinsesa at prinsipe ng kahariang ito!” manghang sabi ni Bia.

Nawala ang magandang mood ni Avva dahil sa ingay ng mga anak niya. Pumikit siya nang mariin bago niya hinarap ang mga ito. Yumuko siya para mas marinig ng mga ito ang kaniyang sasabihin.

“Huwag nga kayong masyadong madaldal. Kailangan niyong mag-behave rito kung ayaw niyong bumalik tayo sa bulok at mabahong lugar na tinirhan natin sa loob ng halos limang taon. Ito ang tandaan niyo, sa oras na magkamali kayo ng salita o kilos at nagalit ang kahit isa sa mga Thompsons, malilintikan kayo sa akin. Nauunawaan niyo ba ang sinabi ko?” nakataas ang kilay na sabi ni Avva.

Sumimangot sina Hivo at Bia. Iyon ang unang beses na nagalit ito sa kanila dahil lang sa naging madaldal sila.

Nag-init lalo ang ulo ni Avva nang hindi siya sinasagot ng dalawang bata. Lumingon siya sa paligid. Nang makita niyang walang tao ay ngumiti siya. Mas lumapit siya sa mga bata at pinisil nang mariin ang tig-isang braso ng mga ito.

“Mommy, nasasaktan po ako,” naluluhang wika ni Hivo.

“Mommy, what's wrong? Why are you hurting us? Please mommy, stop it. Hindi mo na po ba kami mahal?” umiiyak na tanong ni Bia.

“Bibitiwan ko lang ang mga braso niyo kapag nangako kayo sa akin na mag-be-behave kayo lalo na kapag kasama natin ang Thompsons. Isa pa, matuto kayong sumagot agad kapag tinatanong ko kayo!” Pinandilatan ng mga mata ni Avva sina Hivo at Bia.

“P-Promise po, mommy. Mag-be-behave po kami. So-Sorry po, mommy. Hindi na po namin uulitin ni Bia. Mommy, nasasaktan na po kami ni Bia. We're very sorry, mommy. Bitiwan mo na po kami,” umiiyak na turan ni Hivo.

Marahas na binitiwan ni Avva ang braso ng mga anak niya. “Now, stop crying. Baka may makakita pa sa inyo. Isipin pang sinasaktan ko kayo. Tumahan na kayong dalawa!” May diin at gigil ang bawat salita niya.

Sa sobrang takot na masaktang muli ay pinilit ng dalawang bata na tumigil sa pag-iyak. Buong akala nila ay mas magiging masaya silang tatlo sa puder ng kanilang tunay na daddy pero mukhang kabaligtaran agad ang nangyari.

Nang mapansin ni Avva na namumula ang braso ng dalawang bata ay dali-dali siyang kumuha ng concealer at foundation sa kaniyang sling bag. She applied some until the redness vanished.

“Pasensya na kayo, mga anak. Ayoko lang na ma-offend natin ang sinuman sa mga Thompsons. Hindi ko ginustong saktan kayo. Lahat ng ginagawa ko ay para sa kinabukasan niyo. Patawarin niyo si mommy ha?” Nang tumango sina Hivo at Bia ay agad silang niyakap ni Avva. Isang nakakatakot na ngiti ang lumabas sa mga labi niya. ‘Kailangan ko silang disiplinahin at turuan ng tamang etiketa habang maaga pa. Hindi ako makakapayag na maging balakid sila sa aking mga plano,’ isip-isip niya.

Niyakap na rin nina Hivo at Bia ang kanilang mommy. Mahal na mahal nila ito kaya handa silang gawin ang anumang hilingin nito sa kanila. Ayaw na nilang maulit ang nangyari kanina kaya mas magiging maingat na sila sa kanilang pananalita at kilos.

“I love you, mommy. Sorry po ulit,” malungkot na wika ni Hivo.

“Me too, mommy. I love you too. I'm sorry too,” Bia mimic her brother.

Ngumiti si Avva. Nakita niyang papalapit na sa kanila si Brandon. “Basta sumunod lang kayo palagi sa inuutos at sinasabi ni mommy, hindi tayo magkakaroon ng problema. Naiintindihan niyo ba ang sinabi ko?”

Tumango sina Hivo at Bia.

Napatingin si Avva sa kaniyang tumutunog na cell phone. Umikot ang kaniyang mga mata nang makita niyang tumatawag si Maya. Ini-silent mode niya ang kaniyang cell phone bago niya ito inilagay sa kaniyang sling bag.

“Mommy, si Tita Maya po ba ‘yong tumatawag kanina? Bakit hindi niyo po sinagot?” usisa ni Hivo.

“Hivo, you're doing it again. Don't say a word when I don't ask for it. Okay? Sige na. Salubungin niyo na si Brandon at itanong niyo kung nasaan na ang daddy niyo,” pataray na utos ni Avva. Nakayukong lumayo sa kaniya si Hivo. Tiningnan niya si Bia. “Sumama ka sa kapatid mo,” pagtataboy niya.

Ngumiti si Avva nang sundin siya ng mga anak niya. “Gan'yan nga. Matuto kayong sumunod kay MOMMY AVVA,” aniya. ‘Mukhang on the way na si Maya para sagipin ang mga anak niya sa sunog. HA! Mamatay na sana silang tatlo nang sama-sama para wala na akong magiging problema sa hinaharap.’ Bago pa man siya sumakay ng sasakyan ni Brandon ay tumawag siya nang palihim sa isa sa mga dati niyang tauhan. Binayaran niya ito para gumawa ng apoy…para sunugin ang matagal na niyang pinandidiriang lugar partikular na ang maliit na apartment na iyon ni Maya.