Chapter 21

Ria

Pauwi na kami ni Hendrix pero hindi pa rin maalis sa isip ko ang pangyayari kanina with Douglas. Sa apartment ako nagpahatid at pumayag naman ito dahil sinabi ko na kailangan ko ding icheck ang tinitirhan ko.

Ano nga ba ang ginawa ni Hendrix sa kapatid ni Douglas? Bakit parang matindi ang galit niya dito? Hinanap ko kanina si Coleen dahil gusto ko sana itong makausap tungkol sa sinabi ni Douglas pero busy ito sa mga kaibigan niya.

Tahimik lang kami hanggang sa nagsalita si Hendrix.

“Nakasalubong ko si Douglas kanina ng puntahan kita sa restroom. Kinausap ka ba niya?” tanong nito na halatang nagpipigil ng galit

Ayaw kong sabihin sa kanya na binastos ako ni Douglas dahil baka magkagulo pa kaya naman pinili ko nalang na wag ng banggitin ito.

“Alam kong may sinabi siya sa iyo tungkol sa kapatid niya, am I right?”

Napatingin ako dito tanda na tama ang sinabi niya saka ako tumango.

“Talagang gusto niyang sirain ako!” galit na sabi niya kaya naglakas loob na akong magtanong. Maybe it’