Barbie at Nica

Makalipas ang dalawampung taon ay dalaga na ang dalawa. Dalampu’t apat na taon na si Nika at si Barbie ay dalawampu’t lima. Si Barbie ay nagtapos ng Tourism at si Nika ay nagtapos ng Mass Communication. Close silang dalawa at mahal na mahal nila ang isa’t isa. Simula pagkabata ay laging silang magkakampi ngunit higit ang pagmamahal ni Nica kay Barbie. Si Barbie ay isang spoiled brat. Lahat ng gusto ay siyang dapat na masunod. Sa loob ng bahay at sa labas. Mga naging kasintahan niya ay halos magmakaawa na huwag silang iwanan ngunit sadyang madaling magsawa si Barbie. Materyosa din ito at lahat ay gustong abutin. Musmos pa lamang ito ay kinukuha na itong magmodelo ng mga tv advertisements at clothing apparels. Nang magdalagita ay mas lalong dumami ang offers at pati mga sikat na beauty products, pabango at mga merks at nag offer na sa kanya. May mangilan ngilang tv shows na nag aalok dito ngunit ayaw ni Barbie. Mas gusto niyang magmodelo at pangarap niyang mag model ng kilalang mga merks sa buong mundo. Alam niya ang kanyang kapasidad dahil sa kanyang taglay na ganda at tindig. Kung tutuusin ay puwede siyang sumali sa beauty contest at may edge siyang manalo ngunit hindi ito ang kanyang goal. Sa lahat ng kanyang mga pangarap at planong pansarili ay laging nakasuporta ang kanyang mommy at ang kanyang sissy na si Nica. Si Nica ay laging sunod sunuran sa lahat ng kanyang gusto at ang kanyang mga sinasabi ay isang batas. Tinuring niya itong nakababatang kapatid at alam din niya kung gaano kalaki utang na loob nilang mag ina sa ina nito. Tanda pa ni Barbie mga panahong mataas ang kanyang lagnat o di kaya ay may sakit siya, si mommy Luisa ang laging nasa kanyang tabi nuon. Nang mamatay si mommy Luisa niya ay para na ring namatay ang tunay niyang ina. Naibsan lamang ang kanyang pangungulila sa paglipas ng panahon at siguro ay dala na rin ng pagmamahal na pinakita ni mommy Belen at Nica sa kanya.

Si Nica ay kabaligtaran ni Barbie. Napaka simple nito at homebody. Wala itong arte sa katawan at mas gusto pa niyang sa bahay lang pumirme at tumulong sa nanay Belen at tiya Tindeng niya sa gawaing bahay at sa maliit nilang grocery. May maayos na trabaho ito bilang isang virtual assistant sa isang Italyanong “masama ang ugali” at “walang puso” pero pinagtyatyagaan niya. “Nakatira kasi siya sa Florence, ate Barbs at laging ang ganda ng tanawin sa likuran niya pag nagmi meeting kami”. Alam ni Barbie na sinasabon na ito ng boss niya ngunit ang mga mata nito ay nakatitig lamang sa estatwang bumubuga ng tubig sa likuran nito at mga halaman. Kung tutuusin ay puwede na siyang bumukod ng tirahan sapagka’t ang isang unit ng apartment ng papa Elmer niya ay binigay na sa kanya. Maayos din ang pakikitungo ng pamilya ni papa Elmer niya sa kanya at close sa kanya mga kapatid niya na sina Reggie at Marco. “Ayoko ate Barbs. Takot ako sa multo”.  Napapa iling na lamang si Barbie sa ugali ni Nica. Napaka simpleton nito.

Laging wala si Barbie sa bahay kaya’t kailangan ni Nica na bantayan ang kanyang nanay Belen at pag kinailangan ni Barbie ang kanyang assistance ay dapat andiyan siya. May mga panahong umuuwi si Tiya Tindeng sa kanyang probinsya kaya’t ayaw niyang naiiwang mag isa si nanay Belen niya. Kahit walang sinasabi si Belen ay alam ni Nica na nananabik ito kay Barbie.

Habang si Barbie ay busy sa pagmo modelo sa Siargao at pakikipag date sa mayayamang turista ay nagtatrabaho bilang VA si Nica sa isang Italian company. Work from home siya at ang kanyang boss ay isang half Italiano half Filipino. Madaming trabaho binibigay sa kanya ang kanyang boss at may attitude. Laging stress sa kanya si Nica kaya’t kalimitan pagkatapos ng shift nito ay nagbibisikleta ito kasama ang kanyang pusang si Toby na napulot niya nuong ito ay kuting pa. Mahilig itong maglibut libot at tumambay sa view deck café malapit sa kanila at magbasa. Mahilig din itong magkape at tahimik na tao. Hindi siya gaanong katalinuhan ngunit maparaan ito at napaka masipag. Wala din syang gaanong confidence ngunit kinakikitaan ito ng tagong ganda na tanging si Belen lamang ang nakakita. Lihim na ikinatuwa ito ni Belen na hindi aware at parang walang pakialam si Nica sa sarili sapagka’t alam niyang pag naungusan ni Nica si Barbie ng kahit kaunti ay magugunaw ang mundo ng anak at hindi niya iyun kaya. Makasarili man kung tutuusin ngunit iyun ang dapat. Mahal na mahal din niya si Nica ngunit higit na mahal niya ang kanyang anak.

May inferiority complex si Nica. Tabain ito habang lumalaki at kahit na pumayat na ito ng magdalaga ay mahilig pa rin magsuot ng loose na tshirt at pants. Kinukubli nito ang ganda ng mukha sa pagsuot ng eyeglasses kahit hindi naman kailangan. Ni minsan ay hindi ito nagpaayos ng buhok. Simpleng haircut lamang ay okay na sa kanya. Bihira lamang may magkagusto dito at kung meron man ay nababaling kay Barbie. Lahat ay napupunta kay Barbie – at okay lang. Marami sa kanyang friends ang nagsabing may unique beauty siya na wala kay Barbie at kung gugustuhin niya ay puwede siyang mag stand out. Ayaw niya iyun. Ayaw niyang mag stand out nino man at higit sa lahat ay ayaw niyang sapawan si Barbie. Lahat ng second hand clothes or bags ay sa kanya napupunta at kinasisiya niya iyun. Nuong nasa High School ay binigyan siya ng daddy niya at ng tita Agnes niya, asawa ng daddy Elmer niya ng smartphone niya ngunit napunta din iyun kay Barbie. Walang daddy si Barbie kaya nagkasya na lamang siya sa mga lumang cellphone. Importante matawagan siya at ma text.