Chapter 3

LILURA ÁSVALDR ODESSA

“Yes ma’am, idedeliver po ito sa address niyo..” ngumiti sa akin ang cashier kaya naman ngumiti din ako.

Ang mga pinamili ko ay ihahatid na lang nila kaya tatawagan ko ang guard para papasukin sila. Hindi ko maiwasan makita si Sir Denver at Nevan na tila may binabantayan ang mga ito, hindi ko na lang pinansin ito hanggang kinuha ko ang card ko at nag ikot ikot pa ako.

Naibigay ko na rin naman ang address ko kaya hindi na ito problema tatawag naman din sila sakin pag andun na sila. Binaba na ang mga pinamili ko sa truck, marami din kasi akong binili tulad ng bagong kama namin ng anak ko.

Lumabas na ako sa store na ito at lumipat muna ako sa mga damit, konti lang ang dinala ko for my daughter dahil na rin sa ayoko ng maraming dala. Pinilian ko ang anak ko at kinuha ko agad ito.

Saka na ako bibili ng para sa akin, wala akong pakialam kung makita ako ng dalawang sumusunod sakin. “Wala palang nabuo? Pfft nice..” nang aasar na wika ni Denver.

Nilingon ko ito, “Para ito sa inaanak ko na babae kasi..” wika ko at namili ako ng terno mahilig kasi ang anak ko sa mga ternong damit.

“Bakit hindi mo na lang aminin sa amin na may ana——” hindi ko pinatapos ito ng hugutin ko ng needle pin ko sa buhok ko at itutok ko sa mukha nito.

“Isa pa.. butas ‘yang leeg mo..” pag babanta ko dito. “Now.. get out of my sight or else?” Muling pag babanta ko at agad umatras ang dalawa.

“Malalaman ni Val na naka balik ka na..” wika ni Nevan.

“Pakisabi kay Val, magkikita kami sa RTC monday, 10 am..” naka ngisi kong paalala dito at tumalikod na ako.

Binalik ko sa buhok ko ang needle at binayaran ko na ang damit na binili ko. Kumuha din ako ng shoes nito at mga sandals. Matapos ko mamili diretso na ako sa mga pagkain.

HALOS 2 hours ang ginugol ko sa labas maka pamili lang ng kailangan sa bahay, habang nandito kami. Ang plano ko matapos makapag desisyon ang RTC ay mag hahanap muna ako ng pwesto dito sa Manila saka ako babalik sa France kasama ang anak ko.

Para mailipat ko ang main office ko dito sa Pilipinas kahit ako na lang ang mag design nito, at mag bayad ako ng engineer na kikilos para sakin.

Nilagay ko lahat ng binili ko sa sasakyan at inayos ko ito, binalik ko na rin ang pushcart sa gilid lang ng parking.

Matapos nito nag tungo ako sa harapan para sumakay na sa sasakyan ko sana ng may nakita akong naka tayo sa harapan.

“Kayo po ba si Mrs. Lilura Maximi—-” hindi ko pinatapos ito ng salubungin ko ito sa pagsasalita.

“MISS, I’m not Mrs Maximilliano. Soon our marriage will be annulled. What do you want or your boss wants?” Tanong ko dito at pag tatama ko dito.

Tumikhim ito at nag salita. “Gusto ka ni Mr. Maximilliano makausap ng personal..” sagot nito.

Natawa naman ako at umiling. “Paki sabi sa amo mo mag kita na lang kami sa RTC sinabi ko na rin sa mga kaibigan niya na sabihin sa kanya..” sagot ko dito at pumasok na ako sa driver seat at binuhay ko ang makina ng sasakyan ko.

Nang hindi pa ito umalis, binusinahan ko ito na kina tabi nito. Hindi naman ako tanga para sumama na lang sa taong ito saka hindi ko pa nakikita ang taong pinadala ni Val kahit kailan.

Mas mainam na mag ingat.

GABI NA NAG aasikaso at nag lilinis kami ng bahay ko, lahat ng furniture na binili ko at inayos na namin upang wala na akong iisipin pa bukas o sunod na araw.

“Mommy? I want to eat bread po..” tawag ng anak ko sa akin.

“Okay, just wait mommy sweetie..” sagot ko dito nakaupo lang ito at pinapanood kami na nag aayos, ang anak ko ang kumukuha ng bubble wrap para putukin nito.

Nagtungo ako sa kusina at nag handa ako ng tinapay para sa anak ko at ang tubig nito. Tinaasan ko pa ang upuan nito para maka level ito sa mesa.

“Sa wakas natapos din!” Anunsyo ni ate Nida na kina tawa ko.

“Maliligo lang po ako tapos kain na po tayo ng dinner..” paalam ko at hinimas ko ang buhok ng anak ko.

“Mommy, i wanna stay here po..” pinunasan ko ang bibig ng anak ko.

“It’s okay, wait mo na lang ako dito okay?” Tumango ito kaya naman umalis na ako at umakyat na ako sa ikalawang palapag.

Nagulat ako ng pag bukas ko may taong naka tayo sa balcony ng kwarto namin mag ina. Kinuha ko ang baril sa ilalim ng drawer ko at kinasa ko ito at tinutok sa taong naka tayo.

Bukas ang balcony kaya naman pwede ito makapasok sa pamamahay ko. Pag hawi ko ng kurtina na nag salita ito, “Matapos kita tulungan tutukan mo ako?” Tanong nito agad kong binaba ang baril ko at tinago ko ito.

“Kayo naman kasi boss, may pinto bakit pa kasi dito niyo napili mag main entrance?” Naka ngiwi kong tanong at yumuko ako bilang pag galang.

“Hindi ko na iniisip doon dumaan, mahirap na bago tauhan mo baka mahimatay kapag nakita ako.” Sagot nito at umupo ito sa upuan.

Hindi ko maiwasan hindi matawa sa sagot nito. “Boss kumusta po ang lahat?” Tanong ko dito.

“Hmm.. ganun parin hinahabol parin ako ng batas. Gusto nila ako ibalik sa kulungan, baka nga bungad ko nasa kulungan ako.” Sagot nito.

Bumuntong hininga ako at umupo na lang din. “Hindi ka po ba napapagod?” Tanong ko dito.

“Maraming beses akong napagod, umiyak at sumuko. Pero hindi ko kaya iwan na lang ang lahat..” sagot nito sa akin. Hindi ito nakatingin sakin.

Naka tanaw ito sa liwanag ng buwan, “Nga pala, pumunta ako dito para sabihin na pinapadali ni Mr. Maximilliano ang Annulment process niyo. Baka sa lunes aprobado na agad..” paliwanag nito.

Nilingon ko ito. “Mas mabuti sa akin ‘yan, para mas malaya ako kumilos..” sagot ko.

“You’re in pain..” bigla nitong wika.

Nilingon ko ito at hindi ko maiwasan hindi tumulo ang luha ko. “Pwede ba hindi na ako mag pakita sa kanya? Baka kasi hindi ko kayanin..” tanong ko dito.

Umiling ito at nag salita. “Kailangan mo pumirma doon, sasamahan ka naman Knight ay ‘yun kung gusto mo lang, kaya huwag ka mag alala.” Sagot nito boss Flame.

Tumango na lang ako at ngumiti ng tipid, “Makiki kain pala ako at gusto ko din makita inaanak ko..” paalam nito at tumayo na ito.

“Alright pero kahit wala na si Knight para maiwasan ang kahit anong komplikasyon, mauna ka po Boss kilala ka naman nila at maligo lang ako..” naka ngiti kong sagot.

Tahimik ito na tumango at dumaan na ito sa silid namin ng anak ko at mula dito baba na siya sa sala.

MATAPOS KO MALIGO sumalo na ako sa dinner namin. Tuwang tuwa ang anak ko na dinalaw siya ng ninang Apoy niya. Kapag nandyan ng ninang niya nakalimutan niya na may nanay pa siya.

“Ninang kailan po pupunta dito sila Ate at Kuya po?” Tanong ng anak ko kay Boss Flame.

“Hmm maybe next week patapos na rin naman ang class nila. So you can go with your mommy to our house too.” sagot ni Boss Flame sa anak ko.

Malaki ang utang na loob ko ka Boss Flame at asawa nito, dahil sila ang halos nandyan para suportahan ako. Tuwing bakasyon pumupunta sila sa France para dumalaw at doon tumira para magkita-kita ang mga bata.

Kaya malaki ang utang na loob at pasasalamat ko sa buong Lavistre at Dela Vega family dahil tinanggap nila kami ng buong buo.

Mabait ang ina ni Sir Blake pati ang tita Christine ang tita ni Sir Blake. “Mommy pwede po ba ako doon sa bahay nila ninang?” Nagka bulol-bulol pa ang anak ko mag tanong.

“Yes sweetie, sa monday doon tayo..” ngumiti ako at sinubuan ko ito ng kalabasa na gusto niya.

Pumalakpak ito at kumain na kami ng maayos. Pabor na sakin na madaliin na ni Val ang Annulment namin para makapag pakasal na sila ng girlfriend niya. Hindi ko rin kilala kung sino wala na rin akong plano pa na alamin.

Dahil sa sunod-sunod na pagkamatay ng pamilya ng ina ni Summer, hindi na nito kinaya ang lahat. Nabaliw ang ina ni Summer na ngayon ay nasa mental hospital na. Noong una hindi ako naniniwala na si Bos Flame ang may pakana ng lahat at ang sinabi nito na pag manipula sa lahat para umayon sa kanya at sa akin ang lahat.

Never pa siyang pumalya sa lahat, kahit pa komplikado ito sa paningin ng ibang tao gagawin niya dahil may gusto siyang makuha at determinado siya.

Ito ang gusto ko sa ugali ni Boss Flame na gusto ko ma-adopt ang pagiging determinado kahit pa saang bagay.

Inamin ni Boss Flame na sadyang pinaalam kay Val ang tungkol sa mama ko upang mas maintindihan ni Val ang sitwasyon ko.

Siya din ang nagsabi kay Levana at nagbantay kay Levana at Val sa pagkuha ng information para sumang-ayon sa akin at sa kanya ang pagtatapos ng sikreto ko.

Lahat ng plano ko ay naging plano niya, ngunit ang kanya ay napaka hirap hulaan dahil hindi ito madalas nag papakita.