Chapter 49

Sa unang pagkakataon simula umalis ako ay ngayon lang ako makikipagkita sa pamilya ko maliban kay Ken.

"Magandang araw po Ma'am. Welcome back po" bati sa akin ng guard at ilang tauhan nila dito sa mansyon.

Lumapit ako kay Mommy upang makipagbeso at ganoon din kay Daddy. Nakita ko rin sila ate Shane, kuya Jan at ate May. Nginitian ko lang sila dahil nasa kabilang side sila ng table.

"Saan ka ba nagpunta? Ang tagal mo ding nawala ah." Tanong ni ate Shane.

So means wala silang alam sa nangyayari? O baka nagpapanggap lang sila.

"Nasaan ang anak mo? Hindi ka ba buntis o nagpanggap ka lang na buntis para maangkin si Miguel. Kaso nga lang hindi ka nagwagi. Sa huli sa akin pa din siya ikakasal!" Sulpot ni Meriam mula sa likuran ko.

Bumuntong hininga na lang ako. Tulad ng dati ayokong nakikipagsagutan lalo na sa kaniya.

" Buntis ka pala noong nawala ka? Pero impossibleng nanganak ka na agad sa loob ng 7 or 8 months? " Ngayon nasisiguro ko ng wala ngang alam si ate Shane sa nangyayari.