Pangamba

Mabilis lumipas ang mga araw at malapit na siyang manganak at ngayon ang araw para malaman niya kung anong gender ng anak niya. Maaga pa lang lumuwas na siya ng bayan para magpa ultrasound. Sumakay siya ng tricycle patungong bayan.

Isang oras rin ang tinagal ng byahe niya bago siya nakarating sa bayan nagbayad lang siya ng bayad bago bumaba ng tricycle at nilakad na lang niya ang birthclinic kung saan siya magpapa ultrasound at hahanap na rin siya ng pansamantalang mauupahang bahay habang naghihintay siya na manganak. Hindi kasi pwedeng doon pa rin siya nakatira sa bahay niya gayong napakalayo nito mula sa bayan at natatakot siya kapag bigla siyang manganak na lang ng wala sa oras.

Pagpasok niya sa loob agad siyang lumapit sa information section para magtanong kung nandyan na ba ang obgyne na mag check-up sa kan'ya.

"Excuse me miss nadyan na ba si Dr. Cathy??" tanong niya rito.

"Wait a minute ma'am. I will check her schedule today. Have a seat ma'am." magalang na wika nito.