Delubyo

Nagising silang mag-asawa na parang niyayanig ang kanilang higaan. Mas lalong lumakas ang hangin at maya maya lang nawalan na ng kuryente at sobrang dilim.

"Ney, nasaan ka?" tanong ni Hailey na takot na takot.

"Nandito lang ako ney, hwag kang matakot." sagot naman niya at kinakapa ang table kung saan nito nilapag ang kan'yang cellphone. Nang makapa niya ito agad niyang binuksan ang flashlight nito para magkaliwanag sa kanilang paligid.

"Ney, magtatagal ba ito?" natatakot na tanong niya.

"Hindi ko rin alam ney, makinig na lang tayo ng balita." sagot niya. At ganon na nga ang kanilang ginawa.

Hanggang sa narinig nila na aabutin pa raw hanggang bukas ang pananalasa ng bagyong Enteng kaya naman pinalilikas na rin ang mga tao na malapit sa mga dagat.

"Ney, kamustahin mo naman ang mga bata baka hinahanap na rin nila tayo." aniya at sobrang nag-aalala siya sa mga anak niya..Hindi siya sanay na mawalay sa mga ito.

"Sige ney, saglit lang tatawag ako." sagot niya at nagsimula