CHAPTER 2

Alas kwarto ng madaling araw nang gisingin ako ni Aling Berta upang maghanda para sa gaganaping salo-salo sa mansiyon ngayong araw. Ngayon ang ikalabing pitong kaarawan ni Young Master Luke. Nalaman kong siya pala ang bunso sa kanilang Lima.

Naglagay kami ng mga palamuti sa bawat sulok ng mansiyon, ang iba naman ay nakatuka sa paglilinis at ang iba ay sa pagluluto.

"Ilang taon ka na Ada?" Tanong ni Ruth sa'kin. Kasalukuyan kaming nag-aayos ng kurtina.

"Bakit mo naitanong?" Tanong ko pabalik sa kaniya.

"Huwag mo naman akong sagutin ng isa pang tanong!" Nakangusong sagot niya.

Natawa ako ng kaonti at tinignan siya.

"18 years old." Sagot ko at bumalik na sa pag-aayos ng kurtina.

"Ang bata mo pa pala. Alam mo sa tingin ko ay galing ka sa mayamang pamilya. Kutis-porselana ka kasi." Puna niya sa kabuuan ko habang nananatili ang titig sa'kin.

Tanging ngiti lang ang sinagot ko kaya naman napatakip siya sa kaniyang bibig.

"Adopted ako, pero kahit kailan hindi nila pinaramdam sa'kin na hindi nila kadugo." Sagot ko habang nakangiti.

Nakatitig lang siya sa'kin. Naninikip na naman ang dibdib ko nang maalala kong paano pinatay ang mga magulang ko sa mismong harapan ko.

"Nag-aaral ka?" Tanong niya.

Tumango ako.

"Dati, pero nahinto simula nang mamatay ang parents ko. Kailangan ko kasing magtago sa hindi ko malamang dahilan. Ngayon ko nga lang din napagtanto na sana ay hindi na ako nagtago at hinayaan na lang na patayin din ako." maikling kwento ko sa kaniya.

"Hindi pala nagkakalayo ang nangyari sa'tin eh. Ako mula naman sa mahirap na pamilya. Isang drug pusher ang parents ko. Simula ng ipinanganak ako ay nagbago ang pananaw nila sa buhay, na ititigil na nila ang nakagawiang trabaho kahit na malaki ang pa sweldo pero nagalit si Lord Amann dahil trinaydor siya ng mga magulang ko. Natakot ang mga magulang ko kaya ako ang ginawa nilang pambayad sa malaking pagkakautang nila kay Lord Amann," mahabang saad niya naman.

Napatigil kami sa pagkukwentuhan ng dumaan sa harapan namin si Young Master Seijun na nakasuot lamang ng shorts at may tuwalya sa kaniyang balikat.

"You." Sabi niya sabay turo sa akin.

Tumingin ako sa kaniya at yumuko.

"Young Master, ano po iyon?" Tanong ko, sinusubukang maging magalang.

Lumapit siya sa'kin at mas lalo kong napagmasdan ang napaka-gwapo niyang mukha.

"Follow me outside!" Utos niya at nagpaunang lumabas.

Nang makalabas ay nakita ko siyang umupo habang nakatanaw sa pool na sinisikatan ng araw.

"Massage me." Utos ni Young Master Seijun kaya agad naman akong tumalima sa kaniyang utos. Dumapa siya kaya kita ko ang malaking dragon na tattoo niya sa likod.

Patagal nang patagal ay namumula ang mestizo niyang kutis dahil sa init ng araw habang ako ay tagaktak na ang pawis.

"I guess you're new here." Panimula niya.

"Opo, kahapon lang po ako nakarating dito," mahinang sagot ko.

"I guess 'cause, kahapon lang kita nakita." Sambit niya at humarap sa'kin.

Pinasadahan niya ako ng tingin mula ulo hanggang paa saka siya ngumisi.

"Dad spare your life for only one reason. I am thinking that he may use you as a surrogate mother again for his another child." Sambit niya habang umiling-iling.

Rumehistro ang gulat sa mukha ko matapos marinig iyon. Nakatitig pa rin siya sa'kin. 

Maya-maya ay tumawa ito na ikinakunot ng aking noo.

"Just kidding slave." Sambit niya at tumalon na agad sa pool.

Akmang tatalikod na sana ako na.g tawagin niya akong muli.

"Come here, Join me!" Saad niya habang nakasilay ang nakakalokong ngiti sa kaniyang mga mapupulang labi.

Sa hinuha ko ay kahit sino ang pinapatos ng lalaking ito. Isang babaero kung tawagin.

"May gagawin pa po ako Young Master." Sagot ko at yumuko.

"Come on!" Sambit niya at tumawa. Binasa niya pa ako ng tubig.

Ngunit natigil iyon ng may nagsalita mula sa likuran namin.

"Spare her Seijun. We have something to talk about." Sambit ng lalaking may malamig na boses.

Nang lingunin ko iyon ay si Young Master Evan pala. Nakasuot siya ng itim na shorts at may tuwalya ring nakasampay sa kaniyang balikat.

Nagkaabutan ang mga mata namin. Hinagod niya pataas ang mahabang buhok at nilampasan ako.

"What now Fox?" Sarkastikong tanong ni Seijun.

"Slave, get your ass out here." Utos ni Evan sa akin kaya naman agad akong tumalima paalis. Ngunit bago ako tuluyang makaalis ay napatingin ako sa tattoo ni Young Master Evan na nasa batok niya.

It's a fox.

Sa pagsapit ng alas siyete ng gabi ay isa-isa nang nagsidatingan ang mga bisita na halatang malalaking tao. Magagarbo ang kanilang mga kasuotan na animo'y mga hari at reyna sa isang kaharian.

Si Young Master Shin, nakasuot ng asul na suit.

Si Young Master Seijun na nakasuot ng suit na kakulay ng kaniyang buhok.

Si Young Master Shawn na nakasuot ng itim na suit.

Si Young Master Luke na nakasuot ng kulay kremang suit.

At si Young Master Evan na nakasuot ng kulay pulang suit.

Para silang mga Diyos. Matatangkad, mga gwapo, at ang lalakas ng kanilang mga dating. Si Shawn ang madalas makipag-usap sa mga bisita ukol sa kanilang mga Resorts na kanilang negosyo. Siya pala ang panganay sa Lima kaya naman sa kasalukuyan, siya ang Acting CEO . Napatingin ako sa pangalawa sa magkakapatid na si Young Master Shin. May mga kausap siyang mga lalaki na ubod din ng gwapo. Nagtatawanan sila habang may hawak na kopita. Ang pangatlo sa magkakapatid naman ay si Young Master Seijun. Hindi na ako nagulat nang makitang may kandong siyang dalawang kababaihan, at nagtatawanan sila at nagbubulungan. 

Napailing-iling ako sa nasaksihan. Tama nga talaga ang hula ko na matinik sa babae ang isang iyon.

Ang bunsong si Young Master Luke na siyang dahilan kung bakit nagtitipon-tipon ang malalaking personalidad sa kanilang mansiyon. Hindi ko akalain na labing pitong taong gulang pa lamang siya. Siya ang pinakamaliit sa Lima ngunit kung itatabi siya sa kaniyang mga kaedaran ay masasabing masyado siyang matangkad para sa kaniyang edad.

Sa sulok naman ay nakaupo ang lalaking may hawak na kopita na naglalaman ng wine. Mag-isa siya at walang pakialam sa paligid. Hinagod niya pataas ang iilang hibla ng kaniyang buhok na tumakas mula sa kaniyang pagkakatali.

Sa lahat ng magkakapatid ay siya ang nakakalamang pagdating sa hitsura. Masyadong perpekto ang kaniyang mukha at nakakadagdag sa kaniyang dating ang mahaba niyang buhok at kulay kapeng mga mata. Nagulat ako nang magtama ang paningin namin. Agad akong nag-iwas ng tingin habang dala-dala ang mga pinggan na wala ng laman ngunit sa pagtalikod ko ay nakabangga ako ng babaeng may magarbong kasuotan. 

"Oh my God!" Sigaw ng napakagandang babae. May kaunting mantsa sa puting-puti niyang damit.

"Sorry po Madam, hindi ko po sinasadya!" Paghingi ko nang paumanhin ngunit mas lalo siyang nagalit. Gumawa ito ng eksena dahilan upang ang atensyon ng mga tao ay nasa amin na.

Akma niya akong pagbubuhatan ng kamay ng wala akong maramdaman. Nang magmulat ako ng mga mata ay nasa harapan ko si Young Master Evan. Hawak niya ang nanginginig na kamay ng babae.

"Get your hands off of our slave!" ma- awtoridad na sabi niya. 

"How dare you Evan? She did something wrong to me and now you're defending her?" galit na galit na sabi ng babae.

"Margarette, enough!" Sigaw ng lalaking sa tingin ko ay nasa edad singkwenta pataas.

"What the heck Dad?!" galit na galit na sabi ng babae kaya naman kinaladkad lamang siya ng lalaking tinawag niya na Dad.

Nilapitan kami ni Young Master Shin at masama ang tingin nito sa'kin.

"What are you doing Evan? You should have let Margarette slap that slave!" Sabi ni Shin at tinignan ako mula ulo hanggang paa. 

Kababakasan ang inis sa kaniyang ekspresyon.

Nanliit ako sa mga tingin niya. Buong buhay ko ay hindi ako minaliit ng kung sino man. Nagsimulang manubig ang aking mga mata.

"Excuse po." Sabi ko at akmang aalis na nang hulihin ni Young Master Evan ang braso ko at walang salitang kinaladkad niya ako palayo sa Party. Tinawag pa siya ng mga kapatid niya pero hindi siya lumingon.

Nakatitig lang ako sa kaniya at sa kamay naming dalawa na magkahawak. Nang marating namin ang sasakyan niya ay itinulak niya ako dahilan para madapa ako.

"You fucking careless!" Sambit niya habang nakatitig sa akin. Bakas ang inis sa kaniyang boses. 

Nakita kong nagbago ng kaonti ang ekspresyon niya na nagpahanga sa akin ng husto dahil simula nang makarating ako sa mansyon ay ang blangkong eskspresyon sa kaniyang mukha ang palagi kong nasisilayan. Hindi ako tumugon at nanatiling nakatitig lamang sa kaniya.

"Tsk!" inis niyang sabi nang makitang nakatitig ako sa kaniya. Binuksan niya ang sasakyan niya at pinapasok ako.

Nagdrive siya palayo hanggang sa narating namin ang tabing-dagat. Napansin kong medyo tipsy na siya kaya naman kinabahan ako.

"S-Salamat po sa pagtatanggol sa akin ka—" hindi ko na nagawang tapusin nang magsalita siya.

"I didn't defend you. I just used you to get rid off from that Party." Sambit niya gamit ang malamig na boses.

"A-Ah sorry po," ang tanging naisagot ko.

"Dad wants me to be engage with Margarette, the woman we encountered earlier." Sabi niya. 

Hinubad niya ang suot na coat at ginawa iyong sapin sa buhangin. Nakaupo lang ako sa tabi niya habang nakikiramdam sa paligid. Madilim at tanging liwanag lamang ng buwan ang aming tanglaw. Malamig din ang simoy ng hangin.

"M-Maganda naman po siya at m-mayaman. B-Bagay naman ho kayo." Saad ko. Hindi ko alam kung tama ba ang isinagot ko sa sinabi niya.

"I want to marry a woman that my heart wants. I don't want to rush marriage. Anyone can be married even though they are not devoted to each other. They can even bear a child without any affection," malamig niyang saad.

Napatango ako kasi parang may pinanghuhu- gutan siya.

Napatitig ako sa napakatangos niyang ilong, mahahaba, at malalantik na mga pilikmata. Nang humampas ang mahinang hangin ay inilipad nito ang iilang hibla ng kaniyang buhok. Para siyang Diyos, hindi ko mapigilang humanga.

"Just like what my Dad and Mom did. They don't even know each other and here I am kneeling infront of my Mom everyday for her to accept me as her child but she never did. Palagi niyang sinasabi na I was just a fruit of a lifetime deal." Sambit niya sa mahinang boses at makalipas ang ilang minuto ay hindi na siya nagsalita. Nang tignan ko siya ay mahimbing na siyang natutulog.