27. TWISTED (EXPLICIT CONTENT)

PAGKAUWI niya ay nagdesisyon na siya. Kailangan nilang pag usapan ang tungkol sa relasyon nila. Kailangan nilang ayusin kung anuman ang mayroon sila.

Na hindi dapat masira ang mayroon sila ngayon.

Alam niyang mahal siya nito. Kung anuman ang pinagdadaanan nito ay handa siyang makinig.

Inabot siya ng madaling araw sa paghihintay rito pero hindi ito umuwi.

Alas dos na ng madaling araw bago siya nagpasya na pumasok na sa loob.

Mabigat ang dibdib na natulog siya.

NAGMAMADALI siyang bumangon ng makitang alas nuwebe na.

"Kaasar naman!" Kahit hindi pa naghihilamos ay tumakbo siya para puntahan ang bahay ng binata.

Akmang kakatok siya sa pinto ng maalala na hindi nga pala ito umuwi.

Nanghihina na umupo siya.

Kailan kaya ito uuwi?

Nilabas niya ang cellphone at nag message dito. 'Baby, kailan ka uuwi? Reply ka naman, please. I love you'

Ilang minuto na ang nakalipas pero hindi ito nagreply. Naihilamos niya ang dalawang kamay sa mukha.

Bumuga siya ng hangin at saka tumayo. Lumunok siya bago