CHAPTER 62

Noong bago pa lang si Selina sa ospital ay maganda na ang records niya bilang doktor. Isa sa pinakamaganda niyang credentials ay ang vice-president mismo ang nagsundi sa kanya sa ibang bansa para gamutin ang anak nito.

Kaya malaki ang respeto ng mga kasama niya sa kanya. Humahanga rin sila sa angkin nitong galing. Ngunit biglang nagbago ang lahat nang dumating si Zack sa ospital.

Nais ni Selina na ipagtanggol ang kanyang sarili ngunit alam niya sa sarili na kahit pa sabihin niya ang katotohanan ay wala namang maniniwala sa kanya. Alam niya na iisipin lang nga mga ito na hindi siya karapat-dapat sa isang katulad ni Zack.

Mas pinili na lang niya na manahimik at hinayaan ang iba niyang mag kasama na mag-away. Hanggang sa dumating na si Jerick at sinaway niya ang mga ito kaya tumigil na rin ang mga ito. Bumalik na ang mga ito sa kanya-kanya nilang mga trabaho. Ngunit may pagkakataon na nahuhuli niya ang mga ito na nakatingin kay Selina.

“Hayaan mo na lang sila,” mahina na sabi ni Jerick.