85. TLBAHM

[Amelia]

SUMUNOD siya rito. Nang makarating sa kusina ay halos tumulo ang laway niya. Paano ay maraming pagkain na nasa mesa.

"Ininit ko na ang lahat ng mga 'yan." Pinaghila siya ni Damon ng upuan at naupo naman siya.

"Di'ba umalis ka kanina. S-Saan ka nagpunta?" Aniya.

Akala niya talaga ay iniwan na siya nito. Mabuti nalang at hindi pala. Tinakot lang niya ang sarili niya.

"Nagpalamig lang ako. Ang sakit kasi ng sinabi mo kanina." Ani Damon ng nakangiti na tila ba wala na dito ang nangyari kanina.

Nasaktan nga ito... Tama nga siya...

Hindi na siya nagsalita at kumain nalang matapos itong unang sumubo sa lahat ng pagkain sa mesa. Hindi talaga siya makapaniwala na marunong ng magluto ang lalaking 'to. Hindi lang basta marunong—masarap na rin ito magluto!

"Salamat sa pagkain." Aniya at agad na tumayo, pero bago umalis ay nagsalita siya. "Pwede ba bukas ay ihatid mo ba ako sa amin? Hindi tama ang ginawa mo, Damon, alam mo iyan. Saka may usapan na tayo, di'ba? Dapat ay tumupad ka."

Akmang