92. TLBAHM

[Amelia]

TATLONG araw na mula ng huli silang magkita ni Damon. Daig pa niya ang preso na nakakulong sa kanyang kwarto. Talagang galit ang nanay niya sa kanya.

Inulit na naman daw niya ang nagawa niya noon na siyang wawasak sa puso niya.

Gusto n'yang lumabas pero nakabantay sa kanya ang mga kapatid niya. Maging sa pagkain ay hinahatiran pa siya ng mga ito.

Paano siya makakatakas?

Tatlong araw na rin pabalik-balik si Damon para magmakaawa sa nanay niya—subalit matigas ang nanay niya. Ayon pa kay Amy ay hindi na halos umuuwi si Damon at nasa labas lang ng kanilang bahay.

Naaawa siya sa mahal niya—pero kailangan nitong magtiis. Sana lang talaga ay isa sa mga araw na ito ay lumambot ang puso ng nanay niya.

Wala siyang cellphone para makausap man lang si Damon. Si Amon naman ay palaging kasama ng nanay niya saan man ito magpunta.

Madilim at umuulan ng mahina.

Tumingin siya sa labas ng bintana ng kwarto niya. Kumunot ang noo niya ng mapansin ang isang lalaki na tila ninja kung tumatalon palap