95. TLBAHM

MABIGAT na napapabuntong-hininga si Arjo habang nakasandal sa kotse at ninigarilyo. Ganito ang binata kapag maraming iniisip—lalo na ngayon na hindi maganda ang kalagayan ng kanyang nakatatandang kapatid. Ngayon nga ay nasa hospital ito kasama si Frederick at ang nanay niya.

Natigilan ito ng lumapit sa kanya ang lalaki na siyang dahilan ng lahat.

Napatiim-bagang bagang siya at saka itinapon ang upos ng sigarilyo sa lupa.

"Ano ang ginagawa mo ditong gagò ka?!" Agad na kinuwelyuhan ni Arjo si Damon at nangangalit ang ngipin na tumingin ng masama rito.

"I need your help. Help me to save your sister, Arjo."

Natigilan si Arjo.

Gusto niyang saktan ang kaharap dahil sa ginawa nito sa kanyang kapatid subalit hindi niya magawa. Ang mata ni Damon ay nakitaan niya ng desperasyon, gayon pa man ay mayro'n ding pagmamakaawa. Nakita na lamang ni Arjo na nakikinig siya sa mga sinasabi ng binata.

[Amelia]

PAGKAGALING sa hospital ay agad na umuwi na sila. Katulad ng plano ni Frederick ay nabilog nito