27. TLBAHM

[Amelia]

RINIG niya ang usapan ng mga ito. Pati ang pagbibiro ng mga ito sa lalaking gwapo na seryoso kanina ay panay na ang ngiti ngayon. Natatandaan niya ito. Ito ang groom sa dinaluhan nilang kasal ng amo niya.

Nakahinga siya ng maluwag ng matapos sa paglilinis. Pagdating sa kusina ay umupo siya at napabuga ng hangin.

"Ano na naman ang kinakagalit no'n. Grabe! Parang balak na akong sakalin kung makatingin." Tukoy niya sa among binata.

"Hi, Amelia."

Napatayo siya sa gulat ng makita ang kaibigan ng amo niya. Pagkakatanda niya ay Liam ang pangalan nito.

"Hello po, Sir Liam." Magalang na bati niya. Mabuti pa ito at nagagawang ngumiti, hindi katulad ng amo niyang palagi nalang masama ang tingin.

Nakangiting umupo ang lalaki sa kaharap niyang silya. Siya naman ay maang na nakatingin dito.

Tumikhim siya. "Sir Liam, pwede magtanong?"

Nakangiti na tumango sa kanya ang binata—teka, binata pa kaya talaga ito?

"Ano ang sikreto ng mga gwapo?" Mahinang tanong niya.

Malakas na natawa si Sir Li