CHAPTER 67 (THE GENERAL'S OFFENSE)

RED’S POV

“B I G A Y . . . mo sa’kin ang lahat ng kaso na naka-assign kina Col. Mariano at Col. Granadino. I-rereview ko ang updates bago ako mag-leave,” wika niya sa sundalong nakatayo sa harapan ng lamesa niya, habang abalang nagbubuklat ng mga pahina ng case reports na inaaral niya.

“Yes, Sir,” sagot naman nito.

Abala pa rin siya sa ginagawa nang may kumatok ng dalawang beses sa pinto ng opisina niya.

“Come in!” Malakas niyang sabi nang hindi nag-aabalang alisin ang pansin niya sa mga nire-review ng dokumento.

“Sir!” narinig niyang tawag ng sundalong kausap niya kaya siya napaangat ng tingin.

Pero hindi pala ito sa kanya nakaharap kung di kay Daniel na siyang dumating.

Tinanggap naman ng huli ang pagsaludo ng batang sundalo ‘tsaka siya nito binalingan at nagbigay-pugay rin.

“Kung busy ka, pwede akong bumalik na lang mama---”

“No, I’m almost done,” putol niya agad sa sinasabi sana nito.

Makahulugan ang naging paraan ng pagtingin nito sa kanya, kaya alam niyang naroon ito bilang kaib