☪️CHAPTER 2: Start a day☪️

Aquene POV:

Isang linggo na akong nagtatrabaho ng walang kain kaya nanghihina na ang aking mga tuhod kakatayo pero nagpapasalamat parin ako dahil hindi nila ako pinagbabawalan uminom ng tubig kaya hanggang ngayon ay buhay pa ako.

Simula ng nangyari yun hindi ko na muling nakita ang lalaking na si Master Valentino kung nagkataon man na magkita ang landas namin ay hindi ako titingin o kahit sulyapan man lang sya.

Nandito ako sa likod at pinaglalaba nila ako ng madaming labahan.

"Oh labhan mo din yan wag kang kukupad-kupad d'yan." padabog na sabi ni Lily at dinuduro-duro ako.

Isa siya mga katulong dito lahat sila kaugali ni Master Valentino maliban kay mary kahit na medyo masungit siya ay lagi niya akong kinakausap hindi katulad ng iba na ayaw sa akin.

"Opo." sagot ko na lamang at pinagpatuloy ang paglalaba.

Wala akong lakas na labhan ngayon to lahat ngunit dahil ayaw kong maparusahan ay tatapusin ko na lamang ito hangga't kaya ko pa

Lumipas ang limang oras ay natapos ko din ang paglalaba kaya isasampay ko na lang itong lahat ngunit sa aking pagsasapay ay dumaan si Butler Brett. Ang sabi sa akin ni mary siya si Butler Brett ang laging katuwang ni master Valentino kahit saan.

Lagi siyang nakangiti kaya kunti ng mata nya ang nakikita sa kanya. Naitanong ko kay mary kung si Butler ba ay hindi nangangalay kakangiti pero ang sagot sa akin ni mary simula ng nagtrabaho siya dito ay laging ganyan ang mukha ni Butler Brett.

Araw-araw kong nakikita si Butler Brett sa mansion dahil sinisigurado niya lahat kami ay nagtatrabaho at walang nagtatamad-tamad.

"You!" napatigil ako at napalingon, nakita kong naturo ang kamay ni Butler Brett sa akin.

"Ako po?" Napalingon naman ako sa kaliwa at kanan ko at walang tao kundi ako lang.

"Yes you. Come here." at huminyas sya na lumapit ako sa kaniya, nagbow muna ako saka lumapit ng nakayuko.

"What's your name?"

"A-aquene po." sagot ko habang nakayuko.

"Ok a-aquene tapos ka na ba sa ginagawa mo?" tanong nito at ginaya ang pagkautal ko.

Mas lalo akong napayuko dahil sa hiya ngunit sumagot naman ako sa tanong niya baka magalit sya sa akin dahil hindi ako sumasagot.

"Malapit na po akong matapos. Bakit po?" magalang kong tanong.

"Oww ok pero pagkatapos mo pwede ka bang pumunta sa office ni Valentino may ipapalinis daw sya sayo." biglang bumilis ang tibok ng puso sa kaba ng pagkabanggit nya ang kinatatakutan ko sa mansion na ito.

Bakit nandito ulit siya? Pwede bang wag na lang siya umuwi dito?

"Teka nga tumingala ka naman parang gusto mong ingudngud ang mukha mo sa lupa HAHAHA." biro niya kaya napatingala ako na ikinatigil niya sa pagtawa kaya muli akong napayuko.

"Sorry po tatapusin ko muna ang ginagawa ko." sabi ko at nagbow bago siya talikuran baka bigla niya akong sampalin paghindi pa ako umalis sa harap niya.

Natatakot ako, natatakot ako na muli kong maranasan ang pananakit nila ayaw ko na nagsasawa na ako hirap na hirap na ako gusto ko ng mawala, gusto ko ako naman ang magpahinga.

Pagkatapos kong magsampay ay nilinis ko muna ang mga ginamit ko sa paglalaba nagpapasalamat ako kay mary dahil tinuruan n'ya ako ng mga gawain kung paano gawin.

Pagkatapos ko itong hugasan ay pumasok na ako sa loob at uminom ako ng tubig kasi pag-open mo ng pintuan ay bumungad sayo ang kusina kung saan dito nagluluto ang ibang mga katulong.

Napakaganda ng kusina at kumpleto ang lahat meron silang refrigerator na tatlo at punong-puno ito ng laman basta lahat na pwedeng gamitin na pang-kusina ay kumpleto sila.

Pagkatapos kong uminom ay lumabas ako ng kusina at aakyat na sana ako ng may tumawag sa akin kaya nilingon ko ito.

"Aquene saan ka pupunta? Tapos mo na ba ang pinapagawa sayo?" tanong sa akin ni mary.

May dala-dala si mary na panglampaso at sa tingin ko tapos na din s'ya.

Napatango ako bago sumagot, "Opo kakatapos ko lang po. Aakyat po ako sa office ni Master Valentino dahil inutusan po ako kanina ni Butler Brett na pagkatapos ko po daw sa gawain ko ay aakyat po daw ako sa office." paliwanag ko kay mary.

Ngumiti naman sya, "Good, siguro may iuutos sayo si master pero pagkatapos mo doon bumaba ka na at magpahinga." napatango ako sa kaniya at tuluyan na umakyat papunta sa office ni master.

Nasa harap na ako ng pintuan ni master at kakatok na sana ako ng may naririnig akong ingay sa loob.

"Yes babe, faster, ugghh!"

Napakunot na lamang ako ng aking noo at ibinaba ang aking kamay. May kausap ata si master at mukhang busy siya siguro hihintayin ko na lang ulit ang kaniyang utos.

Aalis na sana ako ng may nagsalita sa aking likuran kaya napaharap ako dito.

"Aquene."

"Butler Brett." tawag ko at yumuko sa kaniyang harapan.

"Bakit lagi kang nakayuko aquene tuwing nakikita mo ako? Natatakot ka ba sa akin?" tanong nito at nakita ko naman ang kanyang kamay na hahawakan niya ako sa braso ngunit kusa akong lumayo.

"P-pasensya na po." ang sabi ko na lamang.

"Tumayo ka ng maayos at tumingin ka sa akin." sinunod ko naman ang kaniyang sinabi.

At tulad parin ng dati ay nakangiti parin siya kaya nawala ang aking kaba.

"Kanina pa ba dito sa labas?" tanong niya ngunit umiling ako.

"Oh bakit hindi ka pa pumapasok sa loob?"

"May kausap po si Master Valentino ayaw ko pong makaisturbo baka pagalitan po ako." ang sabi ko dito ngunit napakunot s'ya ng noo sa sinabi ko.

"Kausap?" tanong nya kaya tumango ako. "Opo."

Lumapit sya sa pintuan at mabilis din lumayo sa pintuan sabay tingin sa akin ng nakakamot sa kaniyang batok.

"Ahm aquene." mahinang sabi nya at lumapit sa akin. "Sa baba muna tayo dahil may ginagawang karantaduhan si Valentino siguro bukas ka lang papasok sa office." sabi nito at inalalayan ako sa pagbaba ngunit wala pa kami sa kalagitnaan ay may naririnig kaming iyak na paparating sa aming likuran.

Sabay kaming napalingon ni Butler Brett at nakita namin ang isang babae na maikli ang buhok, may pulang mantsa na nagkalat sa kan'yang labi at umiiyak s'yang tumakbo pababa at ang unang nakakapansin sa kaniya ay ang kanyang damit na hindi maayos ang pagkakasuot.

Napa step-aside kami ni Butler Brett ng dumaan ito sa harapan namin at tinitingnan na lamang namin ito hanggang sa makalabas s'ya ng main door.

"BRETT!" napatingala kaming pareho sa taas at nakita namin si master na nakatingin sa amin ng masama.

Agad akong napayuko, siguro naiisturbo namin ang pag-uusap ng dalawa sa loob at dahil sa ingay namin ay nawala na naman s'ya sa mood.

"Halika na Aquene." hila sa akin ni Butler Brett paakyat at muntik na akong masubsub sa hagdan dahil sa ginawa n'ya.

"Sorry." mabilis nyang tugon ngunit pinangsawalang bahala ko na lamang ito.

Nakarating kami sa taas at humarap kay master ngunit ako ay nakayuko lamang hindi ko kaya s'yang tingnan sa mata o kahit manlang sa kanyang mukha dahil natatakot ako sa kan'ya.

"Aiken wag mo naman kaming tingnan ng masama. Pinababa ko lang si Aquene dahil busy ka at baka mangalay s'ya sa labas ng office mo." pagpapaliwanag ni Butler Brett.

"She's a maid you don't have to worry about her. If she die in front of my office pretend that you didn't see." malamig n'yang sabi.

Napahigpit ang paghawak ko sa aking laylayan ng aking damit. Ang sama nyang tao, sa buong buhay ko s'ya ang pinakamasamang tao nakilala ko kaysa sa tatay ko.

"Ahh! aray! Aquene kinukurot mo na yung kamay ko." nanlaki naman ang mata ko at napatingin kay Butler Brett.

Hindi ko namalayan na hawak ko pa pala ang kan'yang kamay. "Sorry po sorry." sabi ko at hinawakan ko ang kaniyang kamay saka ito hinimas-himas para hindi sumakit.

"Pumasok ka na sa loob." malamig na utos sa akin ni Master at pumasok na s'ya sa loob.

Napatingin naman ako kay Butler Brett at yumuko muna ako saka binitawan ang kan'yang kamay.

"Sorry po." sabi ko na lamang na ikinatango n'ya saka ako pumasok na ako sa loob ng office.

"Close the door." utos ni Master na nakaupo na sa harap ng kanyang desk.

"Opo." sunod ko at isinarado ang pinto pagkatapos kong isinarado ang pintuan ay muli akong humarap.

"Mayroon po daw kayong ipag-uutos sa akin Master?" nakayukong tanong ko.

"Yes, You see that door." tiningnan ko ang kanyang kamay kung saan nakaturo kaya nilingon ko ang aking likuran at nakita ko ang pinto na tinutukoy nya.

"I want you to organize my books according to Alphabetical letters." agad akong napalingon at bumungad sa akin ang mata n'ya na kasing lamig ng yelo.

Wala akong alam na kahit anong letters at isa pa hindi din ako marunong magbasa nakakaintindi lang ako ng English pero sa pagbabasa mahina ako.

"But Master I can't-"

"Are you disobeying my word?" seryoso tanong n'ya kaya kinabahan ako.

"Hindi po." sagot ko.

"Then you can start now." pinuntahan ko na lang ang isang pinto kung saan doon ko aayusin ang kaniyang mga libro.

Pagbukas ko ng pinto ay bumungad sa akin ang madaming libro ang iba ay nasa sahig na at ang iba nasa bookshelf.

Pumasok na lamang ako sa loob at pinulot ang mga librong na nasa sahig, mabuti na lamang at may ilaw rito para makita ko ang mga nakasulat kahit na hindi ko mabasa.