KABANATA X

PARANG isang ipo-ipo na umakyat ng hagdan si Isabelle. Ang kanyang puso ay kumakabog sa kanyang dibdib dahil sa kaba. Tinawag niya ang kanyang mommy at daddy, pinaghalong pag-asa at takot ang bumabalot sa kanyang boses. Nang hindi sumagot ang mga magulang ay nagbakasali siyang tawagin sina Olivia at Sabrina nang walang marinig na sagot ay nagmasid siya sa bawat sulok, desperado na hanapin sila.

Nakahawak siya sa tiyan habang umaakyat, ang mabilis na paghakbang ay bumagal dahil sa pag-aalala na magdulot na ikakapahamak ng batang nasa sinapupunan niya. Dahan- dahan niyang inihakbang ang mga paa hanggang sa tuluyang maabot niya ang tuktok ng hagdan.

“Dad! Mom!” Tawag niya.

Napahinto siya nang masalubong niya si Olivia.

“Oh, there you are Isabelle!”

“Olivia, anong nangyayari? Bakit ang daming maleta sa ibaba? Ang mga gamit, bakit naka- kahon na ang mga iyon?”

Huh! Padabog na ibinaba ni Olivia ang hawak- hawak na kahon at ‘saka humakbang papalapit sa kanya.

“Siguro alam mo na, kung b