Chapter 82

Pagdating nina Arielle at Tyron sa bahay ay naabutan nila ang ina at kapatid nitong nakaupo sa sofa at nanunuod ng movie. Agad na napasimangot ang dalawa nang makita siya.

"Hi, Mom. Lucy. Arielle is back," kausap ni Tyron sa ina at kapatid nito pagkatapos ay binalingan naman siya. "Arielle, they are my Mom, Cynthia and my younger sister, Lucy."

"Mabuti naman at gumaling ka na, Arielle. Ilang buwan din na kami ni Lucy ang naglilinis ng buong bahay. Pero ngayong nandito ka na ay makakapagpahinga na kami," nakataas ang kilay na kausap sa kanya ni Cynthia, ang ina ni Tyron.

Huminga siya ng malalim para pakalmahin ang kanyang sarili. Gusto kasing tumaas ng kanyang dugo ngayong kaharap niya ang dalawang babaeng nagpahirap din sa kanya.

"Bakit po kayo ang naglilinis ng bahay? Wala ba tayong maid? Ang laki ng bahay ko at may-ari pa ako ng malaking kompanya tapos wala akong maid sa bahay ko?" tanong niya kay Cynthia.

Nais niyang ipamukha sa ina ni Tyron na siya ang may-ari ng bahay na iyon. A