Chapter 86

Pagkatapos makausap ni Arielle ang kanyang Uncle Edgar ay itinuloy na niya ang pagtungo sa mall para mamili ng mga damit at iba pang personal niyang gamit. Nangako sa kanya ang Uncle Edgar niya ito ang magiging mata niya sa kompanya. Susubukan daw nitong pumuslit sa loob ng opisina ni Tyron para hanapin kung doon ba nito itinago ng mga papeles na tinutukoy ng kanyang Uncle Edgar.

Pagdating sa mall ay una niyang pinuntahan ang mga bilihan ng cellphone. Bumili siya ng mahal at latest na cellphone. Memoryado naman niya ang cellphone number ng kanyang Uncle Edgar na ibinigay nito sa kanya kaya hindi na niya kailangan pang i-phonebook pa iyon. Baka kasi kapag nalaman ni Tyron na may cellphone na siya ay palihim nitong buksan ang cellphone niya at i-check.

Pagkatapos niyang bumili ng cellphone ay nagtungo naman siya sa mga nag-iinstall ng hidden camera. Pinalagyan niya ng hidden camera ang cellphone niya para kapag may ibang tao na nagbukas sa cellphone niya ay makikita niya kung sino ito.