Chapter 62

Hindi makapaniwala si Arielle na ang babaeng kaharap niya at nakatali sa likuran ng upuan ang dalawang mga kamay ay ang matandang babae na tinulungan niya nang maglaglagan ang mga dala nitong prutas. Hindi na ito matandang babae kundi bata pa. Sa tingin niya ay hindi nalalayo ang mga edad nila. Baka mas matanda lamang ito sa kanya ng ilang taon o di kaya mas bata pa ito sa kanya ngunit pinatanda ang hitsura ng kahirapan.

Prosthetic makeup lang pala ang ginamit ng babae para magmukha itong matandang babae at hindi niya pagdudahan na kasabwat ito ng taong nagpapapatay sa kanya.

Bahagyang napangisi ang babae nang makita siyang pumasok sa silid na kinaroroonan nito. "Napakasuwerte mo naman talaga, Arielle. Ilang beses na ngang pinagtangkaan kang patayin ay nananatili ka pa ring buhay. Ganoon ba talaga kapag maraming per"

"Dahil mabait akong tao. Dahil wala akong sinasaktan at tinatapakang tao kaya kinakaawaam ako ng Diyos. Ikaw? Para kumita ng pera ay gagawin mo lahat kahit na alam mong