Chapter 68

Magkahalong kaba at inis ang nararamdaman ni Arielle habang nakaharap sa lahat ng board members na puro mga shareholders ng kompanya niya. Kinakabahan siya dahil baka nakahanap na naman ng butas ang mga taong kontra sa kanyang pamamalakad sa kompanya. At the same time ay naiinis siya dahil kahit anong gawin niya ay hindi niya makuha-kuha ng lubusan ang tiwala nila.

Kung hindi lamang mabait ang mga magulang niya ay hindi nila hinayaan na may ibang tao na bumili ng stocks ng kompanya dahil hindi naman sila nangangailangan ng shareholders. Malaki ang kinikita ng kompanya dahil sa magandang pamamalakad ng kanyang ama. Kung walang shareholders ay wala sana siyang problema ngayon.

Gustuhin man niyang sapilitang bilhin ang kanilang maliliit na share sa kompanya ay hindi sasapat ang kanyang pera. Ngunit kung ibebenta niya ang lupa at bahay at iba pang mga ariarian na iniwan sa kanya ng mga magulang niya ay sobra-sobra pa iyon na pambayad sa mga shares ng board members. Ngunit ayaw niyang