Chapter 17

"Ulitin mo nga ang sinabi mo!" sabi ni Jace kay Kyle. Katatapos lang ng kanilang meeting sa marketing department at naiwan sila sa conference room.

"Gusto ng ACEGame na magsubmit tayo ng detalyadong proposal," ulit ni Kyle.

"Nagbibiro ka ba? Hindi ba dapat magkita tayo ng boss nila para mas maipaliwanag natin nang husto ang mga detalye?"

"Sabi nila, sobrang busy daw ng boss nila ngayong buwan, kaya kinansela ang meeting. Nangako naman silang pag-aaralan ang proposal natin and will get back to us after na magdesisyon ang boss nila."

"Paano kung tanggihan nila? Paano natin maipapaliwanag ang proyekto kung base lang sa proposal ang magiging desisyon nila? Paano natin masasagot ang mga tanong nila kung hindi tnila tayo imi-meet?" sunod-sunod na tanong ni Jace. Gusto niya talagang magkaroon ng collaboration sa ACEGame pero hindi niya maintindihan kung bakit nagbago ang isip ng mga ito.

"We will request another meeting if you want. Sabi nila, magiging abala ang boss nila ngayong buwan, kaya