Chapter 35

"Ready ka na ba para mamaya?" tanong ni Gela. Last na subject na kasi namin 'to. After nito, go-go na 'ko sa meeting place namin ni Zerudo.

"Hindi pa masyado pero I think 80% naman na. Medyo kinakabahan pero sa tuwing iniisip kong mag-de-date kami, kinikilig ako," turan ko.

"Basta, tandaan mo lang na dapat alam mo kung paano siya i-entertain. Sa tuwing nagkakaroon ng dead air or nawawalan kayo ng topic, ikaw na mismo ang mag-isip agad ng pag-uusapan ninyo," untag ni Osang.

"At saka mas maganda kung ang pag-uusapan n'yo lang ay about sa inyo. Huwag na huwag mong uungkatin ang mga past relationship niya. Mag-focus ka lang sa goal mo na hulihin ang loob niya," sambit nanan ni Gela.

"Tatandaan ko 'yung mga sinabi ninyo. Maraming salamat, girls!" ani ko.

Ilang saglit pa, dumating na 'yung prof namin kaya inayos na namin ang aming mga sarili upang makinig. Medyo lumilipad lang ang isip ko sa kung ano ba ang mangyayari mamaya pero hindi naman ito naging rason para mapansin ako ng prof namin