Chapter 38

Hindi ko namalayan na nakatulog pala ako pagkatapos kong makipag-video call sa mga kaibigan ko. Pagtingin ko sa orasan aking cell phone, malapit na palang mag-alas otso ng gabi. Dali-dali akong bumangon at inayos ang aking sarili. Nagbihis na rin sko ng damit na pambahay bago ako tumungo sa baba.

Pagkarating sa kusina, nadatnan ko roon si Ate na naghuhugas ng pinggan.

"Ate, kumain na kayo?" bungad ko pagkaupo ko sa may lamesa. May mga pagkain na kasing nakahain doon. Nakatakip lang ng pinggan para hindi dapuan ng mga insektong naglilibot sa paligid.

"Oo, e. Hindi ka na namin ginising baka kasi pagod ka sa school. Pinagtabi ka naman na namin ng pagkain kaya kumain na rin," aniya.

"Sige, Ate, salamat!"

Matapos 'yon, tiningnan ko kung ano ang pagkain sa lamesa. Wow, nagluto si Mama ng afritada saka ginisang upo. May pinggan na rin dito kaya ang ginawa ko na lang ay kumuha ng kanin at kutsara't tinidor.

"Juness, may coffee jelly rin pala sa ref," turan ni Ate.

"Wow, gawa mo, Ate? Hindi k