Chapter 105

Nag-text na ako kay Yatco na nasa library ako. Pagkarating ko roon, hindi naman masyadong marami ang tao, sakto lang. Naghanap ako ng tahimik na puwesto para mapayapa ang mundo ko. Sa may bandang sulok malapit sa bookshelves, doon ako naupo. Naglagay lang ako ng earphones at nagpatugtog ako.

Mayamaya pa ay may tumabi sa 'kin. Pagtingin ko sa kaniya, isang lalaki. Hindi ko siya kilala, ngayon ko lang siya nakita.

"Hi, Miss," bungad niya sa 'kin. Tinanggal ko ang isang earphone na nakakabit sa aking kaliwang tainga.

"Hello," pagbati ko pabalik.

"Puwedeng makipagkilala?" aniya sabay pakawala ng isang malawak na ngiti.

"Pasensiya na pero taken na 'ko," tugon ko. Binigyan ko rin siya ng isang malawak na ngiti.

"Okay lang, walang problema sa 'kin 'yon," saad niya sabay kindat sa 'kin.

Naku, ayaw kong mag-judge pero iba ang pakiramdam ko sa lalaking 'to. Mukhang isa rin siya sa mga mahilig makipaglaro sa apoy. Dapat ko siyang iwasan. Hindi ko na lang siya kinausap pa matapos 'yon. Nagpaka-bu