Kabanata 17:

Okyupado pa rin ang utak ko hanggang sa maayos at mapalitan ko ang nasirang gulong. Hindi ko maisip na kung sakaling hindi duwag na tauhan ang pinadala ni Mr. Drex para sundan ako ay maaaring madamay rito si Zach. Ayaw ko na ng mga taong nadadamay sa gulo ko, lalo pa't inosente.

Pagkatapos kong ilagay ang nasirang gulong sa back compartment ay dire-diretso na akong pumasok sa sasakyan ni Zach tsaka agad na pinakiramdaman ang balang nahablot ko kanina sa gulong. Pasimple akong napairap nang mapagtantong hand gun ang ginamit nilang baril dahilan para sarkastiko akong mapangisi. Naputol lamang iyon nang biglang sumunod na pumasok si Zach sabay kabit ng kanyang seatbelt bago humarap sa akin na may nagtatanong na tingin. 

"How did that happen?" Kunot na kunot ang noong tanong niya kasabay ng pagsalubong ng kanyang makakapal na kilay. Nag-iwas naman ako ng tingin nang hindi ko makayanang tagalan ang kanyang paningin. Tumatagos sa kaibuturan ko ang kanyang paningin na pa