Kabanata 22:

Author's Pov:

"Nasaan na 'yong dalawang iyon?" Naiinis na tanong ni Samer kina Margou nang mapagtantong si Jake at Shan na lang ang wala. Kasalukuyan silang lumalabas sa loob ng building habang mabilis na tumatakbo papunta sa sasakyan nila. Nagplanta ng bomba sina Margou sa bawat sulok ng main hall at iisang minuto na lang ay sasabog na ito. Lahat sila ay nagmamadali sa takot na baka maabutan sila ng bomba. Mabilis na sumakay silang lahat sa van na nakaparada at hihingal-hingal na naupo sa kanya-kanyang silya.

"Nakita ko sina Jake at Shan na magkasama kanina," si Vince ang sumagot habang hinihingal na pinahinga ang sarili. Huminga pa muna ito ng malalim bago pinapatuloy ang pagsasalita, "Isasabay raw ni Jake si Shan sa kanya." dagdag niya at tinignan si Samer na nakaupo sa first cab.

Hindi na nagtanong pa si Samer at tumango na lamang tsaka inabot ang isang bote ng mineral na nasa kanyang harapan bago ito sunod-su