Kabanata 24:

Naalimpungatan ako nang maramdamang may yumuyogyog sa aking balikat. Malakas at padabog niyang inuuga ang aking balikat bagay na siyang ikinainis ko. Dahan-dahan at napipilitan kong iminulat ang aking mga mata at pupungay-pungay siyang tinignan. Agad na bumungad sa akin ang kunot-noo at salubong na mga kilay ni Rychll tila kanina pa iritang-irita sa akin. Awtomatiko akong napairap tsaka napipilitang bumangon mula sa pagkakahiga habang hihikab-hikab na iniinat ang katawan. Narinig ko pa ang bahagyang paglaguto ng aking katawan dulot ng matinding pagod dahilan upang mapangiwi ako.

"Uuwi na raw tayo," mataray na aniya na ngayo'y nakaupo na sa sofa at sinusuot ang sapatos. Umupo naman ako sa kama ko bago siya tinignan na puno ng pagtataka. Napahinto siya sa ginagawa niya at nakataas ang mga kilay na hinarap ako. "Kumilos ka na riyan." Masungit niya pang pag-uutos kasabay ng pag-irap bago tinapos ang pagsa-sapatos. Pagkatapos ay tumayo ito para pumunta sa nigh