Kabanata 14:

Nagising ako kinabukasan nang makarinig ng sunod-sunod na yabag papunta sa kwarto ko. Natitigilan akong luminga-linga sa buong silid tsaka pinakiramdaman ang paligid. Kung tutuusin ay hindi ito mapapansin ng kung sino-sino lang dahil maingat, magaan at tahimik ang bawat pag-apak niya sa sahig na para bang normal na sa kanya ang gawain na ito. Normal ang paglalakad niya pero hindi gaya ng normal na tao. Para sa akin madali ko ng makilatis ang intensyon ng tao sa pamamaraan palang ng paglalakad nila at ang isang 'to ay parang walang pakialam at normal lamang na naglalakad papuntang kwarto ko.

Biglang bumukas ang pintuan ng silid at lumuwa roon si Jake na naka-chinos at gray chunky cardigan. Kaswal niyang sinara pabalik ang pintuan at naglakad papalapit sa kama ko habang ang dalawang kamay ay nasa bulsa ng suot na chinos. Inismiran ko siya nang makitang nakangisi siya tsaka walang pasabing tumayo para pumunta sa banyo at maligo.

Wala na