Kabanata 07:

Nanghihina kong sinandal ang aking balikat sa driver's seat habang tinatanaw ang guard na nagbabantay sa entrance ng condo building. Hindi ko alam kung papano ako papasok doon na ganito ang itsura. Nababalutan ng sarili kong dugo ang puting damit na sinuot ko habang ang leather jacket ko naman ay tinanggal ko at nilagay sa passenger seat dahil sa bahagyang pagkakaipit nito sa aking sugat. Habol hininga kong sinandal ang ulo ko sa upuan tsaka tumingala sa ere para pakalmahin ang sarili. Patuloy at walang humpay na umaagos ang dugo mula sa aking balikat na mabilis kumakalat sa suot kong damit. Ilang minuto pa ang tinagal ko sa loob ng kotse bago ko naalala ang extra tshirt na nasa backseat. Nanghihina man ay dahan-dahan akong dumungaw mula sa driver's seat tsaka nahihirapang inabot ang damit na nakasabit sa sandalan ng back seat. Magbibihis na lang ako ng damit nang sa gayon ay hindi ako makaagaw ng atensyon ng iba. Pagkatapos kong magbihis ng damit ay sinuot ko na rin a