Kabanata 90

SINUBUKANG SUNDAN ni Clea ang kaniyang asawa, ngunit paakyat pa lang siya ng hagdan nang makita niya itong nagmamadaling bumaba. Halatang tapos na itong maligo at nakasuot na rin ito ng puting long-sleeve na nakatupi hanggang siko, at may itim na blazer din na nakasampay sa kaliwang braso nito. Napagtanto niyang hindi pala ito ang mga kasuotan na inihanda niya kanina para rito.

Naaamoy niya rin mula sa kaniyang kinatatayuan ang ginamit na panligo nito saka ang paborito nitong pabango na siyang ikinarindi ng kaniyang sikmura dahil sa mabahong amoy nito. Ito ang kaniyang dating paboritong pabango na ginagamit ni Lawson, ngunit ngayon ay parang isinusumpa na niya ito dahil sa hindi na niya gusto ang amoy nito.

Hindi niya maiwasang mapaatras nang bahagya nang ilang hakbang na lang ang pagitan nilang dalawa ni Lawson. Nanggigigil niya itong tiningnan. Bakit ba napakatigas ng ulo ng lalaking ‘to? Akala ba niya'y nagkakaintindihan na sila? Bakit parang nagbago na naman ang takbo ng utak n