Kabanata 97

MALAMIG na simoy ng hangin ang sumalubong kay Clea nang bumaba silang dalawa ni Lawson sa sasakyan. Hindi niya maiwasang mapapikit at lumanghap ng hangin mula sa paligid. Nang muli niyang buksan ang mga mata ay hindi niya maiwasang magtaka. Nakakunot ang kaniyang makinis na noo habang inililibot ang tingin sa paligid.

Hinawakan ni Lawson ang kaniyang baywang saka hinapit siya palapit sa katawan ng lalaki. Nilingon niya ito at nakatingin na rin pala ito sa kaniya gamit ang seryosong mga mata.

"Lawson... W-What are we doing here?" nagtatakang tanong niya sa lalaki. "Akala ko ba..." hindi niya magawang tapusin ang nais niyang sabihin dito. Mabilis siyang natahimik saka nagbaba ng tingin upang pigilan ang sarili sa pagtatanong.

Sa halip na sumagot ito ay tipid lang siyang nginitian ni Lawson. Sabay silang naglakad ng lalaki patungo sa direksyon na hindi niya alam. Nagpatianod lang siya kung saan man siya dadalhin ng asawa. Pakiramdam niya'y may ideya na siya kung bakit ditong lugar s