KABANATA 4

KABANATA 4

NEXT PK

Biglang may naisip si Alana at kumislap ang kanyang mga mata.

"Ibig sabihin... pwede lang akong makipag-PK sa iba at patuloy na matalo?" Lalo na at malaki na para sa kanya ang super rocket na binigay ni Kyle Santos.

Pakiramdam niya ay natuklasan niya ang shortcut sa pagiging mayaman...

[Nag-o-overthink ang host. Hindi lahat ay galante sa ‘medical expenses.’ May ibang streamer na love letter lang ang binibigay bilang medical expense—sobrang insulto nun.]

[Sexy Cockroach: Tara, laro tayo ng susunod na PK.]

[Huwag kang mag-alala, host. Sisiguraduhin kong matatalo ka.]

[Para mapilitan ang host na magbigay ng ‘medical expenses,’ nagdesisyon akong hindi magbigay kahit isang sentimo sa kanya.]

[Hehe, mga fake fans kayo.]

Hindi inasahan ni Kyle Santos ang ganitong reaksyon ni Alana. Napangiti siya at sinabing:

"I-follow kita. I-follow mo rin ako pabalik. Kung may tanong ka tungkol sa live streaming, itanong mo lang sa akin. Bye."

Dahil sa biglang pagbabago ng ugali ni Kyle, napakamot ng ulo si Alana at tumango nang awkward:

"Okay, bye."

Kumaway siya sa screen, at naputol ang koneksyon nila ni Kyle Santos.

Habang sa Morning Light Live Studio kung saan nagla-live stream si Kyle ay tinadtad siya ng mga comments galing sa kanyang mga supporter.

[Kyle, gago ka! May mali sa'yo! Ano bang problema mo?!]

[Aminin mo, bro, ang ganda talaga ng babaeng ‘yun. Sa dinami-dami ng bagong female anchors na naka-PK ko, ngayon lang ako nakakita ng talagang maganda.]

[Para sa akin, bibigyan ko siya ng 9 sa looks. Bakit hindi 10? Kasi baka hindi siya ganun kaganda sa personal.]

[Paalam na, Kyle. Napagtanto kong mas gusto ko palang manood ng magandang babae kaysa sa isang mabahong lalaki tulad mo.]

Karamihan sa mga fans ni Kyle ay mga taong nadismaya sa ibang babaeng anchors na hindi naman ganoon kaganda sa personal. Ngayon na nakakita sila ng tunay na maganda, agad silang naglipatan sa live broadcast room ni Alana.

Wala nang nagawa si Kyle kundi mapangiti nang mapait.

Ang kagandahan ay isang bihirang kayamanan, saan ka man pumunta. Lalo na para sa isang top-tier beauty na tulad ni Alana, siguradong hindi siya mauubusan ng mga lalaking handang gumastos para sa kanya.

Kyle: "Mukhang magkakaroon ng gulo sa beauty area ng BidaLive..."

Kung siya mismo ay naakit kay Alana, paano pa kaya ang iba?

Samantala, matapos ang usapan nila ni Kyle, hindi agad nag-PK si Alana.

Binuksan muna niya ang kanyang homepage at nakita niyang ang bilang ng kanyang followers ay tumaas mula 1 patungong 104.

Kung kaya niyang gawin ito araw-araw, hindi na siya kailanman mag-aalala sa pera!

[Nag-ngiting parang ewan na naman ang host.]

[I Love Lugaw: Anong ‘ngiting ewan’? Ngiting matamis ‘yan ng misis ko para sa akin!]

"Putangina, ang kupal ng nasa taas, ang bilis magpalit ng pangalan. Natatandaan ko na ang ID mo dati ay ‘Light of Righteousness.’"

"I Love Lugaw: Walang kwenta yang sinasabi mo."

Inayos ni Alana ang kanyang sarili, sinunod ang mga operating instructions, at kusang loob na nagbukas ng random PK.

Dahil siguro bago pa lang siya, walang agad tumanggap ng hamon niya.

Pero makalipas ang halos isang minuto, nagtagumpay rin ang PK connection.

"Hi, kamusta?"

Sa kabilang screen, isang cute na female host ang lumabas—ang pangalan niya ay Mayie Rivera aka Cat doesn’t eat fish ang username niya sa BidaLive. Suot niya ang pinaka-trending na internet celebrity makeup, isang pink na princess dress, at may fluffy na cat ear headbands sa ulo niya.

Lumapit siya sa screen at exaggerated na napa-“Wow” nang makita si Alana.

Mayie Rivera: "Ang ganda mo! Kung hindi ako nagkakamali, wala kang makeup, diba?!"

Ang magagandang babae ay naa-attract din sa ibang magaganda, dahil likas na visual creatures ang mga tao.

Medyo nahiya si Alana at sinabing, "Ah, natalo kasi ako sa huling PK, tapos pinatanggal sa akin yung beauty filter at makeup."

Biglang tumawa nang malakas si Mayie.

"Siguradong si Kyle na naman ‘yan! Kilala na ‘yang gagong ‘yan sa pagiging asar ng lahat, mapa-tao o aso. Maraming bagong hosts ang nabiktima niya pero..."

Napatingin siya kay Alana mula ulo hanggang paa bago muling humalakhak.

"Sa itsura mong ‘yan, siguradong hindi umubra ang mga trip niya sayo, hahahaha!"

Ang tawa ni Mayie ay hindi kaaya-aya, malayo sa cute niyang itsura.

Medyo nahiya si Alana at kinamot ang ulo niya. "Mabait naman siya, nagbigay pa nga siya ng rocket!"

Sa narinig, napanganga si Mayie nang exaggerated na parang letrang "O."

"Grabe ka, napalabas mo ng ganyang karaming reward ang kuripot na ‘yon!"

Kahit inis ang karamihan kay Kyle, hindi maikakaila na sikat siya sa mundo ng mga small anchors. Balita rin na mayaman ang pamilya niya at kaya lang siya nagla-live stream ay dahil isa siyang rich second-generation na nandito lang para maglibang.

Nakakainis siya, pero wala namang magawa ang mga tao.

Sa isip ni Mayie, mukhang malalaglag si Kyle sa patibong...

Bigla siyang lumapit sa camera at bumulong na parang may sikreto:

"Gusto mo pa ng mas maraming gifts?"

Tapat namang tumango si Alana. "Oo naman."

Tulad ng sinabi ng Sexy Cockroach, ang dahilan kaya siya nagla-live stream ay para kumita ng pera, kaya paano niya matatanggihan ang regalo?

Ngumiti si Mayie nang may kapilyuhan at sinabing, "Mas pataasin natin ang pusta. Kung sino ang matatalo, sasayaw ng Sexy Wildcat Dance."

Alana: "???"

[Medyo mainit-init itong pusa na ‘to ah.]

[P*tangina, paano mananalo si misis ko?]

[Pasensya na, mahal, pero ipagkakanulo kita nang sampung minuto.]

[I Love Lugaw: Hindi! Mga gago, wala kayong karapatang panoorin ang misis ko sumayaw!]

[Recharge Suspended]

Kahit hindi pa narinig ni Alana ang tungkol sa Sexy Wildcat Dance, base sa reaksyon ng viewers, mukhang katulad ito ng naunang Ace of Spades na binanggit.

Namula siya hanggang tenga. "A-Ako... hindi ako marunong sumayaw..."

Mayie Rivera: "Walang problema, tuturuan kita."

Alana: "..."

Mayie: "Tapos na ang kasunduan, bawal umatras. Pero huwag kang mag-alala, kahit matalo o manalo ka, panalo ka pa rin sa huli."

Sanay na siya sa larong ito—bilang isang marginal female anchor, kabisado niya ang psychology ng mga lalaki.

Ang inosente at clueless na vibe ni Alana ay madaling magpa-trigger ng "protector instinct" sa mga lalaking nanonood.

Kaunting pang-uudyok lang, siguradong may magpapadala ng regalo para iligtas siya sa kapahamakan.

Sa mga sandaling iyon, naghahanda na rin si Kyle upang humanap ng bagong "biktima" nang makita niya ang mga komento:

[Yung babaeng host sa huling live broadcast, nakatagpo ni Cat but doesn’t eat fish.]

[Ang malas naman niya! Una, nakasagupa niya si Kyle tapos ngayon naman, ang Nag-aapoy na Pusa.]

[Kahit nag-aapoy ang pusa, may proteksyon naman siya ng isang nakatakdang big brother.]

[Mukhang magiging interesante ‘to. Kung sino matalo, sasayaw ng Sexy Pussycat Dance.]

[Patawad, Kyle , pero babalik ako agad.]

[Paalam, Kyle... baka hindi na ako bumalik.]

Napangisi si Kyle habang binabasa ang chat.

"Mga manyak talaga kayo."

Pero...

Nang marinig niyang ang matatalo ay kailangang sumayaw ng marginal dance, biglang pumasok sa isip niya ang kaakit-akit na mukha ni Alana.

"Pasensya na, guys. May biglaang lakad ako ngayong gabi, kaya hindi na ako magla-live. Kita-kits bukas, usual time."

Biglang nag-blackout ang screen ng live broadcast ni Kyle.

Sa mga oras ding iyon, mahigit isang dosenang manonood ang lumipat sa live room ni Alana—karamihan ay galing sa live ni Chen Guang. Kasama rin dito ang isang hindi kapansin-pansing bagong account.

Samantala, pinatay ni Cat doesn’t eat fish ang audio ng kanilang koneksyon, iniwan si Alana na tahimik at medyo awkward sa harap ng camera.

Habang pinapanood niyang sumasayaw nang cute si Mayie upang mangalap ng boto, alam niyang hindi siya maaaring umupo lang at maghintay ng pagkatalo.

Nilinaw niya ang kanyang lalamunan at mahina ngunit maamong nagsabi:

"Uhm... pwede bang makahingi ng ilang libreng popularity votes?"

Hindi niya kayang direktang humingi ng regalo, pero ang isang magandang bagay sa platform ay ang bawat follower ng anchor ay nakakakuha ng isang libreng popularity ticket araw-araw.

Kung magbabayad naman ng 50 pesos upang sumali sa fan group, makakakuha rin ng free fan badge.

Bagamat mayroon nang mahigit 140 followers si Alana, siyam lang sa kanila ang may fan badge.

Pero biglang dumagsa ang suporta sa chat:

[Mahal na mahal ko si Lugaw with Egg, ibibigay ko ang buhay ko sa ‘yo.]

[Kung gusto mo ng libreng popularity ticket, bakit di mo na lang diretsong hingin ang isang Porsche?]

*[Sexy Cockroach nagbigay kay Lugaw with Egg ng Knight Guardian 1]

*[Millet Lugaw nagbigay kay Lugaw with Egg ng Luxury Cruise 1]

*[RealLugaw nagbigay kay Lugaw with Egg ng super rockets 10]

Mula sa simpleng popularity vote, biglang bumaha ng regalo sa live stream niya.

Habang busy ang ibang manunuod sa patuloy na pagdagsa ng mga rewards para kay Alana at Mayie. Mabilis din ang kamay ng estrangherong lalaki upang hagilapin ang impormasyon kaugnay kay Alana. Mas lalong ayaw nitong maagawan ang boss niya kase sure siyang sa kanya ibubuntong ang sama ng loob nito.