Chapter One- First meet

NASA kasarapan pa ng tulog si Ella ng dumating na ang kanyang Ina galing sa palengke.

“Ella, bangon na d'yan may pasok ka pa,” wika ni Aling Susan

“Opo Inay,” Habang painat-inat na umupo sa gilid ng kama.

Nagmamadaling bumangon si Ella ng maalala may pasok pala siya at mabilis na tumungo ng banyo. Halos tumutulo pa ang buhok ni Ella sa pagmamadali, nakalimutan na niyang kumain ng almusal dahil male-late na naman siya.

“Good morning po Madam, Sorry po late na naman ako ngayon, madaling araw na po kasi ako nakauwi kaya na-late po ako." Nahihiyang saad niya kay Mrs. Uy

"No problem Ella. I understand naman you worked hard dahil sa inyo ng Nanay mo. By the way next month na ba ang graduation ninyo?" Tanong ni Mrs.Uy.

"Opo, Bakit po Madam?" Takang tanong niya.

"I'm just asking," ngiting tugon nito.

Natapos ang buong araw na pagod ngunit puno ng kasiyahan si Ella dahil iniisip n'ya na sa wakas ay matutupad na din ang kanyang pangarap na makapagtapos ng pag-aaral, at mabigyan ng maginhawang buhay ang kanyang Ina ilang taon din n'ya itong pinaghirapan.

"Ella mauna na ako sa inyong dalawa ni Kathy, meron kasi akong bisita na galing Manila ang pamangkin ko," paalam ni Mrs. Uy.

"Opo," sagot ni Ella habang nag-aayos ng mga naka-display na damit.

“Friend, Sasabay ka ba sa'kin pag uwi?” Tanong ni Kathy.

“Mauna ka na girl! may dadaanan pa kasi ako, ang bayad ni Aling Nancy sa na-order niyang pansit kahapon kay Inay.”

"Okay Friend! ingat ka sa pag-uwi.”

"Salamat,"

Naglalakad na si Ella papunta sa waiting shed upang mag-antay ng jeep. Hindi inaasahan habang patawid na s’ya biglang may humarurot na sasakyan na itim na Montero na muntik pa siyang mahagip.

"Ano ba yan nakakainis naman pauwi na lang eh! Nabasa pa ako, hay! grabe naman ang driver ng sasakyan na ‘yun,” inis na sabi niya.

Sa di kalayuan huminto ang Montero na itim na muntik ng makahagip kay Ella, bumaba ang lulan nito at habang pinupunasan ni Ella ng panyo ang kanyang damit, inis na inis ang lalaki habang pababa ng kanyang sasakyan at ng makalapit kay Ella.

"Hoy! ikaw babae! kung gusto mong magpakamatay 'wag kang mandamay ha!" pasigaw na may galit na wika nito.

“Aba! ikaw na nga ang muntik na makabangga ikaw pa ang galit,” inis na sagot niya.

Di na sumagot pa ang binata galit na umalis ito, habang nagmamaneho panay ang mura nito.

"Damn that Girl!" galit na wika niya habang pinaharorot ang sasakyan paalis.

Nakauwi na si Ella, ngunit napahinto siya sandali dahil may naalala siya sa sinabi ng lalake at nagpainit ng kanyang ulo.

“Ano sabi niya magpapakamatay ba kamo, at bakit ko naman gagawin ‘yon?” Inis na pabulong na sabi ni Ella sa sarili.

Sinilip ni Aling Susan ang anak sa bintana kung dumating naba ito.

“Anak and'yan ka na pala, pumasok ka na dito at kakain na tayo,"

"Opo Inay."

Kaya naman pumasok na si Ella sa loob ng bahay at nagmano sa Ina, nagtataka naman si Aling Susan bakit parang mainit ang ulo nito ng dumating ngunit hindi na n'ya ito inusisa pa.

"Anak, nakuha mo ba ang bayad sa pansit na inorder ni Aling Nancy?" Tanong nito habang naghahanda ng pagkain

Ngunit di namalayan ni Ella tinatanong na pala s'ya ng kanyang Ina, at kinalabit siya nito.

"Anak, ano ba nangyayari sayo?"

“Ano po ulit Inay?"

"Sabi ko nadaanan mo ba kako 'yung bayad kay Aling Nancy?"

"Opo," kinuha niya ang pera sa bag at inabot sa Ina.

"May problema ka ba anak?" Alalang inusisa ang anak.

"Wala po ito Inay, kain na po tayo." Yaya niya.

Pagkatapos maghapunan, Hindi pa rin makalimutan ni Ella lalaking nagpainit ng kanyang ulo kanina. Hanggang sa pagtulog ni Ella naaalala pa din nito ang mukha ng lalaking galit at parang gusto na s'ya lamunin, ngunit kita sa mata nito ang lungkot. Di na namalayan ni Ella ang sarili na nakatulugan na pala niya ang pag-iisip sa tagpo ng gabing iyon.

"Good morning po!" bati ni Kathy sa pumasok na babae

"Miss ito ba yung boutique ni Mrs.Uy?" Ngumiti na tanong ng babae.

Halatang nasa late 50's na ang edad nito, ngunit may kagandahang taglay pa din at di ma-ikakaila na mayaman ito dahil sa awra at sasakyan nito na nasa labas ng boutique.

"Yes po Ma'am!" saad ni Kathy.

"What time kaya siya dadating, Miss?" Nakangiting tanong nito.

"Hindi ko po sure Ma'am, if what time s'ya dadating malimit kasi maaga s'yang pumapasok," tugon ni Kathy.

"Okay lang miss hintayin ko na lang siya," sabi nito

"Okay po Ma'am."

Nag-aayos si Ella ng mga stocks sa stockroom pinagmasdan niya ang isang damit na matagal na niyang gusto bilhin kaso wala naman siyang pambili. Kinuha niya ito sa pagkaka -hanger at tumingin sa salamin.

"Ang ganda naman nito." Bulong niya.

Di niya namalayan nakatingin sa kanya ang babaeng kanina pa naghihintay kay Mrs.Uy, natutuwa itong pagmasdan si Ella. Ngunit gulat na naitapon ni Ella ang damit na hawak niya.

"Hi po, ano pong kailangan nyo Ma'am?" Tanong ni Ella na parang nahiya dahil baka kanina pa naghihintay ito sa may pinto.

Tumawa ito sa kanya na parang natutuwa sa kanyang inasta at sabay tanong sa kanya.

"Hinahanap ko kasi ang banyo Miss?"

"Sa may unahan lang konti Ma'am."

"Thank you!" sagot nito

"Wala hong anuman," tugon ni Ella

Nagpatuloy sa pag-aayos si Ella ng mga damit.

"Miss, gusto mo ba ang damit na sinusukat mo kanina?" Ngiting tanong nito kay Ella.

Ngumiti si Ella sa kausap."Gusto ko po siya Ma'am, pero mahal po kasi ito. Kaya hanggang tingin na lang po ako."

"Gan'un ba."

"Nga po pala, bibili po kayo ng damit?" tanong ni Ella.

"Hindi Miss, hinihintay ko lang si Mrs. Uy kaibigan ko siya."

"Dito po tayo sa office ni madam. Pasensya na po ngayon lang po natagalan si madam siguro po may inaasikaso lang, ang alam ko po kasi dumating yung pamangkin niya na galing manila."

"Thank you Miss," pasalamat kay Ella.

Sandaling oras pa dumating na si Mrs.Uy gulat ito ng makita ang bisita na kanina pa siyang hinihintay.

"Hi how are you?" Nakangiting tanong nito.

Inaninag pa ni Mrs.Uy kung sino ba ang babae na ito, tila tuwang-tuwa ng makita siya, sa paglapit nito sa kanya ngayon lang namukhaan ang kaibigan na matagal ng hindi nakita ng matagal ng panahon.

“Ikaw ba yan...” masayang tanong ni Mrs.Uy.

"Heto at mabuti naman buhay pa rin." nasabi nito. "Ikaw kumusta ka na?"

"Well, tumatanda na. Medyo sumasakit na din mga tuhod."

Masayang binalikan nila ang panahon teenage years, na dekada na din ang lumipas.

"Pssst! Kathy, kilala mo ba bisita ni Madam?" Tanong ni Ella sa kaibigan

"Naku Girl! Dehins eh, work na lang tayo marami pa tayong i-didisplay ngayon."

"Okay! work, work..." ani Ella.

Kinabukasan papunta ng school si Ella nakita niya ang pumasok ng school compound, ang lalaking tila pamilyar sa kanya kaya sinundan niya ito.

“Ano kaya ang ginagawa niya dito ngayon ko lang siya nakitang pumunta dito,” pagtataka ni Ella.

Nakita ni Ella na pumasok ito sa Principal’s office ng school at nakalimutan niya na may klase pa pala s'ya dahil sa pagsunod niya sa isang estranghero lalaki.

"Good morning Mrs. Javier!" pangiting bati ni Ella sa guro.

"Pumasok ka na Miss Alvarez."

At pag upo ni Ella. kinalabit agad siya ni Kathy.

"Hoy! Babae saan ka ba nagpunta alam mo naman marami tayong gagawin ngayon, remember malapit na ang graduation day." wika ni Kathy habang nagsusulat.

Makikita sa mata ni Kathy ang sigla na sa wakas sa apat na taon nilang magkaibigan at magkasama sa trabaho at iskwela. Makakamit na nilang magkaibigan ang hirap nilang dalawa bilang isang working student sa kursong Business Administration dahil pangarap nilang dalawa magkaroon din ng negosyo na tulad kay Mrs. Uy.

“Ella best friend, gusto mo bang sumama sa bayan?" sabi nito. "Hanggang 2pm lang klase natin ngayon, punta tayo sa bagong fastfood sa bayan, don't worry treat ko!" Ng itong yaya ni Kathy.

"Okay!" tugon ni Ella."Pero saglit lang samahan mo muna ako sa Principal’s office may titingnan lang ako, please!”

Pagsusumamo na nakangiti sa kaibigan.

"Hay, oo na! friend, ano naman ang gagawin natin doon?” Tanong ni Kathy.

"Basta lang," masayang sagot ni Ella. Hinila niya sa kamay ang kaibigan.

Kaya naman napilit ni Ella ang kaibigan, maya-maya pa habang nakatayo sila sa di kalayuan ng office lumabas na ang Head proffesor ng school, ngunit nagtataka naman si Kathy kung sino ang hinihintay nila.

"Sandali nga lang best friend anong ginagawa natin dito?"

"Wait lang muna tayo ng ilang minuto. Please!”

"Sino ba talaga hinihintay natin dito, hindi naman pumupunta ang crush mo dito di ba?" tanong na may pang-aasar nito sa kaibigan.

Kaya naman umalis na din sila, sa ilang minutong paghihintay, hindi nila nakita ang taong gusto sanang makita ni Ella.

Sa kabilang banda nakaupo na ang dalawa sa isang fast food na bagong bukas pa lang sa bayan, makikita ang ganda ng lugar dito.

"Friend, order ka na!” saad ni Kathy sa kaibigan.

“Okay! Treat mo naman eh." Masayang sagot niya kay Kathy.

Kaya pumila na si Ella. Tumunog ang cellphone ni Ella habang nasa pila daling kinuha ito at sinagot ang tawag.

"Hello, Inay. Pauwi na din po ako maya-maya. Nandito pa po kami ni Kathy sa bayan nang-treat kasi si Kathy dito sa bagong fast food sa baya---"

Kinakausap pa n'ya ang ina, ng biglang may nagsalita sa likod niya,

at napalingon si Ella laking gulat niya na ang lalaking kanina lang ay inaabangan nila sa school ngayon ay nasa likod na n’ya, hindi niya alam ang gagawin halos di na siya makakilos sa kanyang kinatatayuan hindi malaman ni Ella kung kakausapin ba ang lalaking di niya mawari kung naiinis ba siya o may atraksyon na ba siya sa taong hindi halos nagpatulog sa kanya.

"Miss sabi ko kung gusto mong makipag-usap sa cellphone, umalis ka muna sa pila marami pang nakapila," galit nitong sabi.

"Okay po mister, sungit mo naman!" yamot na saad ni Ella sabay irap sa kausap.