Chapter Two- In the House

Hindi maintindihan ni Ella ang nararamdaman kung maiinis ba siya sa kasungitan ng lalaki sandaling napaisip s'ya dahil naalala niya ito ang lalaking muntik ng makasaga sa kanya sa nagdaang gabi kaya humugot ng lakas ng loob para ikompronta ang lalaking ito, ngunit di pa man s'ya nakakapagsalita umalis na 'to sa kanyang likuran at lumipat sa kabilang pila.

"Huh! kainis saad ni Ella, akala mo naman kung sino!"

Nilingon ni Ella ito sa kabilang pila nagtagpo ang kanilang mga mata, ngunit makikita sa mata nito ang lungkot, matikas ang katawan at husto ang tindig nito ngunit walang kang makitang saya sa awra nito.

"Ella, bakit parang ang tahimik mo naman?" Tanong ni Kathy

"Nakakayamot kasi ang lalaking 'yun, ang suplado at ito pa ha! siya ang muntik na makasagasa sa akin nakaraang gabi."

Natawa naman si Kathy sa ginawi ng kaibigan.

"Hayaan mo na friend, cute naman eh!” pabirong sabi niya sa kaibigan.

Sabay kindat kay Ella. Patuloy niya pa rin itong inaasar at di napigilan nagtawanan na lang silang dalawa.

Di nila alam na kanina pa pakunwaring sumusulyap ang lalaki sa kabilang table. Samantala, inip na sa paghihintay ito. At dumating na din ang kanina pang hinihintay niya.

"Sir Jk! pasensya ka na ngayon lang po ako, nasiraan kasi ang sasakyan, dinala ko na po muna sa talyer. Dito na lang po natin antayin ang tawag ng mekaniko.”

"Okay po Mang Dolfo," sagot ni Jk na parang nayayamot.

"Mag-order ka na po para makakain ka na." Utos nito sa matanda.

Naiinis sa aberya si Jk dahil bawat araw ay mahalaga para sa kanya, maraming trabaho na naiwan siya sa manila para lang sa isang bagay. Napalingon si Mang Dolfo sa di kalayuan habang pinapakinggan ang mga mga sinasabi ng kanyang amo.

Sandali itong nagpaalam kay Jk at tinungo ang ang dalawang dalaga na nasa kabilang table.

"Ella ikaw ba yan?" Tanong ni Mang Dolfo.

"Opo, bakit ho?"

"Si Mang Dolfo ito kaibigan ng Nanay mo, kumusta kayo?" Tuwang tanong nito.

"Hello po, Mang Dolfo ikaw po ba talaga yan?" Mabuti naman po, awa ng Diyos. Kayo po?” Tanong ni Ella.

"Mabuti naman Ella, ang Nanay mo kumusta naman?"

"Mabuti naman po kaso may sakit na ang Inay, kaya talagang todo kayod po ako para sa aming dalawa."

May lungkot pero positibong sagot ni Ella, sa matandang kausap niya. Sa tagal ng panahon ngayon lang ulit nakita ni Mang Dolfo ang batang dati pa may magandang pag-uugali na katulad ng kanyang Ina.

Habang nagsasalaysay si Ella tungkol sa buhay nila bilang mag-ina makikita naman sa mata ni Mang Dolfo, ang awa at lungkot para sa bata na alam n'yang dalaga na sa ngayon.

"Dadating ang araw may malalaman si Ella na pwede n'yang ikasama o ikabuti pagdating ng araw." Tanging nasabi ni Mang Dolfo sa sarili.

Hindi mapalagay si Ella kaya sinabihan niya itong dumalaw sa kanila at siguradong matutuwa ang Ina kapag nakita ang kaibigan.

"Sino itong kasama mo Ella?” ani Mang Dolfo.

"Si Kathy na po 'yan, ang dating makulit at matabang bata." Nangingiti siya habang nagsasalita.

Nagtawanan ang tatlo, Pasulyap-sulyap naman si Jk animo'y nakikinig sa kwentuhan ng tatlo. Naalala niya ang sagutan nila ng kanyang Mommy Minda, "Hanggang kailan ninyo itatago sa 'kin ang mga bagay-bagay Mom." si Jk habang malayo ang tingin. May nabuo na plano kapag nakabalik na siya ng Manila.

Hindi makatiis lumapit na din si Jk sa mga ito.

"Mang Dolfo wala pa po bang tumawag kung ayos na ang sasakyan?" Yamot na tanong nito.

"Sandali lang po tatawagan ko ang mekaniko."

Hindi nagtagal binaba na din ang cellphone ngunit may pag-aalala sa mukha nito na parang nag-aalangan sabihin sa amo . At pagdaka'y nagtanong si Jk kung ang mekaniko na ba ng talyer ang naka-usap.

"Ang mekaniko na po ba ang tumawag Mang Dolfo?” usisa nito.

"Oho, Sir Jk kaso wala daw pong piyesa para sa nasira, bibili pa sa Manila mga ilang araw pa daw po bago maayos ang sasakyan."

"Bullshit!" galit nitong sabi.

Nakikinig lang ang magkaibigan sa usapan ng dalawang lalaki.

"Napaka walang modo talaga! naturingang mukhang may pinag-aralan pero ang ugali parang daig pa ang di nag-aral." pabulong nasabi ni Ella.

"Pssst! friend halika na uwi na tayo," si Kathy.

"Oo, beshy paalam muna tayo kay Mang Dolfo," sabi ni Ella habang patayo na ito.

"Mang Dolfo, mauna na po kami tumawag na po kasi ang Inay,"

"O, sige Ella ingat kayo ng kaibigan mo."

"Oho! kapag may panahon ka pa po at hindi ka pa babalik ng Manila pumasyal ka po sa amin."

Binigyan ni Ella ng numero ng cellphone si Mang Dolfo.

"Opo Mang Dolfo, kayo din po mag-iingat pati na din sa kasama n'yo pong masungit," pabulong na sabi ni Ella.

Natatawa si Kathy sa kaibigan sa pagkayamot sa lalaking kasama ni Mang Dolfo. Ngunit lingid sa kaibigan kanina pa kinikilig si Kathy kahit ngayon pa lang niya nakita si Jk, 'ika nga ng iba love at first sight.’

"Saan po tayo tutuloy nito mamayang gabi wala po tayong alam na matutulugan dito." Ani Jk.

At habang nag-iisip si Mang Dolfo, naaalala niya si Ella na may binigay itong numero ng cellphone sa kanya kanina bago ito umuwi.

"Hello, sino po ito?" tanong ni Ella.

"Ella, si Mang Dolfo ito itatanong ko sana kung may alam ka kung may house for rent dito sa bayan?"

"Ay! opo, nasaan po ba kayo ngayon?" tanong ni Ella na may pag-alala.

"Andito pa din kami sa bayan Ella."

"Okay po Mang Dolfo, magpapaalam lang po ako kay Inay."

Nag-flash back sa isip ni Jk ang nangyari kanina habang nakasakay sila sa tricycle, katabi n'ya si Ella papunta sa bahay na uupahan.

“Bakit binabagabag ang isip ko ng babae na iyon?" At mabilis niyang tinanggal sa isipan si Ella.

Nakahiga na si Jk at habang nakapikit ang mga mata naalala niya ang pagdikit ng kanilang mga balat ni Ella na parang may kuryente na dumaloy sa kanya.

Naisip nito hanggang sa pagtulog ang ngiti at maamong mukha ng babae na tila inaakit ang kanyang pusong tahimik, napatingin siya sa mga labi nito na pakiwari niya ang sarap nitong hagkan.

Pagkagising niya tila magaan ang pakiramdam ni Jk dahil sa kanyang napanaginipan o diwa niya na naglalakbay sa pag-alala kay Ella pero sinupil niya ang kanyang isipan dahil may nagmamay-ari na ng kanyang puso.

"Good morning po Mang Dolfo, ano pong balita?"

"Eh! Sir Jk baka sa makalawa pa daw magagawa ang sasakyan, pumunta po ako sa talyer habang natutulog ka kanina.”

"Tumawag sa 'kin ang kaibigan ko ang nanay ni Ella, nang-iimbita do'n daw po tayo mananghalian."

Excited na pumunta si Jk kung saan man iyon gusto niyang masilayan ang babae na pati sa panaginip niya ginugulo siya.

"Okay lang po Mang Dolfo," tanging tugon niya.

"Tao po Susan," tawag ni Mang Dolfo sa kaibigan.

Matagal nang hindi nagkita ang magkaibigan kundi sa cellphone lang kanina nung tumawag ito.

"Pasok kayo dito sa loob. Maghahain lang ako sandali Dolfo," saad ni Aling Susan sa mga bisita ngayon ay kararating pa lang.

“Pumasok ba si Ella sa school?” Tanong ni Mang Dolfo sa kaibigan.

"Oo pero pauwi na din iyon, wala na din silang klase ngayong hapon."

Samantala, may humintong tricycle lulan nito si Ella.

"O, heto na pala si Ella tamang-tama sumabay ka na sa amin kumain anak," pagyaya ng Ina ni Ella.

"Nag-mano siya sa Ina at kay Mang Dolfo, sandali lang ho Inay, Mang Dolfo magpapalit lang po ako ng damit," hiyang sabi niya.

"Parang kailan lang Susan dalaga na si Ella gagraduate na pala ng kolehiyo, sa susunod may magiging manugang ka na niyan." Nakatawang wika ni Mang Dolfo.

Tutol ang isip ni Jk sa narinig, o kahit pabiro lang ito.

"Ano ka ba Jk, don't dare na magkagusto sa babaeng iyon." pagsaway niya sa sarili."

"Naku pihikan 'yang si Ella, napakataas ng pangarap sa buhay gustong-gusto niya ipagamot ako sa Manila. kapag may trabaho na daw siya."

"Hindi naman sa pagsabad sa kwentuhan ninyo ho,

Ano po bang course ng anak n'yo?" Nahihiyang tanong ni Jk. "Hay naku Iho, gusto ko sana dati mag teacher na lang s'ya kaso ang gusto niya eh Business Administration ewan ko ba sa batang iyan."

Nakatulala si Ella sa harap ng salamin, di niya alam bakit kailangan makadama siya ng hiya sa lalaking iyon.

"Ano ba yan bakit nandito ang taong 'yon? di ko alam kung bababa ako eh?” Tanong ni Ella habang kausap ang kaibigan sa cellphone si Kathy.

"Ano ba yan friend, kung ako sayo bababa na ako kasi may cute kayong bisita," tumatawang wika nito kay Ella.

"Okay sige, ingat ka mamaya pag-uwi mo. Kamusta na lang kay madam duty ko na naman bukas okay bye," masayang paalam ni Ella.

Umupo si Ella sa gilid ng kanyang kama at inaalala ang pagdikit ng kanilang balat ni Jk habang nakasakay sa tricycle hindi niya maintindihan ano ang kanyang nararamdaman dahil sa unang pagkakataon ngayon lang siya nakaramdam ng init na galing sa isang lalaki. Kahit si Ella di masagot ang katanungan sa kanyang isip na tila isang misteryong dapat niyang alamin kung ano ang kanyang nasa puso at isip.