Wife

Kahit nakapikit ay maririnig ang hikbi ng dalaga. Sa bawat hikbi ay mababanaag ang pait at sakit. Tila panaghoy ng isang nawawalan ng lakas at pag-asa. Ang nanginginig niyang katawan, nangingitim na ilalim ng mga mata, tuyong lalamunan at mga pasa sa maputla niyang balat ay ebidensya sa kung ano man ang sinapit niyang karahasan. Karahasan na tanging siya at ang gumawa lamang ang nakakaalam.

Unti-unting iminulat ni Etel ang kanyang mga mata. Mahigit sa isang oras na siyang nakatulog dahil sa sobrang pagod at sakit. Nakaramdam siya ng tawag ng kalikasan kaya ay dahasan siyang nagising. Pili ang mga galaw habang sinusubukan na bumangon mula sa pagkakahiga. Makailang ulit niyang ikinuyom ang kanyang kamao upang labanan ang pwersa na humihila sa kanya pabalik sa kama. Nang tuluyang makaupo ang dalaga ay napapikit na lamang siya habang tumitingala. Mistula bagyong rumagasa pabalik sa kanyang alaala ang mga ginawa sa kanya ni Zack. Ang lalaking pinaglaanan niya ng kanyang puso at ngayon ay l