Chapter 40: Found But Forgotten.

Nakahinga ako ng maluwag nang hindi si Piere ang may ari ng bangkay. Dahil doon ay nagpatuloy kami sa paghahanap kay Piere.

Isang buwan ang nakalipas ay kasama namin si Juliette, para mas mapadali ay magkasama ang magulang ni Piere sa paghahanap at pinasama naman ako kay Juliette.

Palagi kaming nagtatalo, at lagi akong lugi. Wala si Pierr at walang magtatanggol sa akin kung sakali. Hindi ako sumuko sa paghahanap sa kanya.

Naniniwala akong maayos siya. “If he’s dead, I’ll discard you.” Nalingon ko kaagad si Juliette sa kanyang sinabi.

“P-Pinagdarasal mo bang wala na si Piere? Buhay si Piere!” iritableng sabi ko.

“It’s been a month Lumi, it’s been a month! Tingin mo kung buhay siya bakit hindi siya makabalik?!” Itinulak niya ang braso ko dahilan para samaan ko siya ng tingin.

Hindi ko siya nasagot dahil may punto siya, tinalikuran ko na lamang si Juliette dahil ayokong mawala ang paniniwala ko na buhay si Piere.

Halos hindi ako makakain ng maayos, kahit pagtulog ko ay sapilitan na lang.