Prolonged

Hindi mapawi ang ngiti sa labi ko habang pinagmamasdan ko ang sarili ko sa harap ng human size mirror ng sala namin. Masyado akong nagagandahan sa sarili ko ngayon sabayan pa na subrang ganda ng dress na suot ko.

Nilagyan ko ng malaking itim na ribbon ang buhok ko at hinayaang nakalugay lang sa likod ang maalong kurba nito, nagliptint din ako kunti at pulbo. Nakasuot ako ng white puff sleeve dress na hapit sa beywang ko at hanggang tuhod ang haba. Bigay to ni Khrus noon, ngayon ko lang sinuot dahil uuwi siya ngayon pagkatapos ng dalawang taon niyang pag-aaral sa Europe.

Ano kayang magiging reaksiyon niya pag nakita niyang suot ko to?

Mas lalo akong napangiti.

Iniisip ko palang kinikilig na ako!

Matagal ko naring gusto ang lalakeng yun. Mula siya sa angkan ng mga Sudalga- ang pinakamayamang pamilya na naninirahan dito sa Victorina. Subrang bait ng pamilya niya, hindi nakikitaan ng pagkamata-pobre mahilig pa nga itong makisama sa mga tulad naming mga dukha at utang na loob namin sa kanila kung bakit nakakapag-aral ako ngayon sa kolehiyo at mayroong trabaho ang mga magulang ko.

Nag-iisang anak lang nila si Khrus at kung pinagpapala nga naman ng may kapal ay di ko inexpect na magugustuhan din pala ako ng katulad niya.

Hindi kami ha.

Pareho lang kami ng nararamdaman sa isa't isa. 

Napagkasunduan naming wag muna hangga't nag-aaral pa kami. Hindi rin naman ako ready na magkaroon ng relasiyon kaya oks lang importante may nagpapakilig.

" Nay Lea! Tao po! Nandito na ak___. oyyyy" mabilis na nawala ang ngiti sa labi ko nang mapalingon sa hamba ng pintuan at makita ang mapaglarong mukha ng matalik kong kaibigan na kakarating lang.

" Saan ang kasal Ming? di mo sinabi saking abay ka pala" agad siyang napailag ng batuhin ko siya ng suklay. Tumawa naman ang timang bago lumapit sakin.

Panira talaga siya ng araw kahit kailan!

" Nandito ka nanaman!" singhal ko na ikinatawa niyo lalo at kinurot ang pinsnge ko. Agad ko namang tinabig ang kamay niya.

" Napakamaldita mong bansot ka" mas lalong akong napasinghap sa sinabi niya at hinampas ko ang matigas na dibdib niya sa subrang inis ko.

Kutang-kuta niya talaga ako sa pang-aasar.

" Kung wala kang matinong sasabihin manahimik ka nalang" inirapan ko siya na ikinatuwa niya pa lalo.

Tumingin ulit ako sa salamin para ayusin ang sarili ko at hindi na pinansin ang lalakeng nasa tabi ko. 

" Teyka, subrang bango mo ata ngayon?" aniya sabay amoy sa leeg ko kaya tinulak ko ang mukha niya palayo sakin.

" Wag ka ngang magulo! nag-aayos ang tao eh" sambit ko na ikinataas ng kilay niya at nakapameywang akong tinignan. Nakikita ko ang repleksiyon niya sa salamin.

" Masyado mo namang pinaghahandaan ang pagdating ng bebe mo. Kasalanan na ba susunod nito?" Utomatikong namula ang pisnge ko sa sinabi niya at kung ano-ano nang mga scenario ang pumapasok sa utak ko.

Pangarap ko naman talaga yun. Ang makasal kay Khrus at magkapamilya sa kaniya.

" Kinilig ang putik!" singhap ng katabi ko kaya binatukan ko siya.

" Ang ingay mo. Bakit ka ba nandito?" sambit ko, binago ang usapan dahil masyado na akong napapahiya sa mga sinasabi ng isang to.

" Nag text nanay mo, punta daw ako dito isasabay kita papunta ron sa mga Sudalga" aniya sabay upo sa kahoy naming sala. " Matagal ka pa ba?" casual na tanong niya sa akin habang tinititigan ako ng maigi.

" Tapos na ako" sagot ko pagkatapos masatisfy sa repleksiyon ko sa salamin. " Ayos ba? tingin mo magugustuhan niya ang suot ko?" tanong ko sa kaniya.

Sinuri niya naman ako ng tingin, ulo hanggang paa " Ayos na yan. Mukha kang ninang sa binyag" sinipa ko ang paa niya, siya naman ay tawa ng tawa.

Panira! 

Nacoconscious tuloy ako sa pinagsasasabi ng lalakeng to.

" Seryoso kasi Krio!" kailan ko ba makakausap ng matino ito!

Tumigil siya sa pagtawa at nakakaluko akong tinignan. " Oo na, oo na, ok na yan. Alis na tayo. Anong oras na, nasa mansiyon na ata ang bebe mo" hinila na niya ang kamay ko. Sumunod naman ako hanggang sa makalabas kami at nakita ko agad ang dilaw na tricycle niya.

Napakunot ang noo ko.

" Bibili ako ng pagkain ng baboy mamaya sa palengke kaya tricycle dala ko" saad niya tila alam na kung ano ang nasaisip ko. Napatango naman ako bago sumakay at pinaandar na niya ang sasakyan.

Sampung minut bago namin narating ang mansiyon ng mga Sudalga. Pinapasok ng guard ang sasakyan ni Krio sa loob. Ilang beses na kong nakapunta rito pero hanggang ngayon manghang -mangha parin ako sa laki ng pagmamay-ari nila.

Mapapasana all ka nalang sa ganda at rangya ng bahay nila.

Pagkababa namin sa sasakyan ay agad kaming sinalubong ng mag-asawang Sudalga na naghihintay sa pagdating ng anak nila.

Alam ng mga ito na may namamagitan sa amin ni Khrus at wala akong narinig na tutol sa kanila kundi ay malaking suporta para sa amin ng anak nila.

" You look so pretty! mas lalong magkakagusto sayo si Khrus niyan!" puri sa akin ng mommy ni Khrus na ikinapula ng pisnge ko.

" Indeed so gorgeous" komento rin ng asawa niya. 

" Thank you po" nahihiyang sagot ko sa kanila.

Hindi parin talaga ako sanay na kausap sila nananaig parin talaga ang hiya ko. 

Maya-maya ay si Krio naman ang binati nila.

" Oh ihjo, kumusta ang baboyan niyo? balita ko ay nanganak na raw" rinig kong sambit ni sir Leo.

" Opo tito. Dalawampu po lahat nong nakaraan lang nanganak" sagot naman ng katabi ko. Kung ano-ano pa ang pinagusapan nila tungkol sa farm nina Krio nakinig nalang din ako at magsasalita kung may gustong sabihin.

" Khrus will be here in a minute. Tumawag ang driver namin. On the way na daw sila" sambit ni Ma'am Lysa na ikinatango ko naman. 

" Oh! his here!" agad na bumilis ang tibok ng puso ko nang maaninag ang itim na van na papasok sa loob ng mansion. 

Bigla akong nanlamig at kinabahan hanggang sa huminto ang van sa gilid namin. Tinted ang salamin nito kaya di kita ang nasa loob. I can hear my heart pumping so fast.

Hihimatayin ata ako.

May mga body guard sa paligid at ang isa ay lumapit sa van para pagbuksan ang nasa loob nito. Nahigit ko ang hininga ko nang sa pagbukas ng body guard sa van ay naaninag ko agad ang bulto ng lalake sa loob.

Dahan-dahan itong lumabas at napaawang ang labi ko nang masilayan ang gwapong mukha nito.

Lalo ata siyang gumwapo at pumuti!

Nanigas ako sa kinatatayuan ko at ang nagawa ko nalang ay ang titigan siya at nasilayan ulit ang ngiti sa labi niyang matagal kong hindi nakita.

" Ihjo!" agad na lumapit ang mag-asawa sa kaniya at sinalubong siya ng yakap. 

" How's the flight anak?" tanong agad ni Ma'am Lysa rito.

" The flight is smooth, mom" sambit nito. Mas naging matured ang boses niya ngayon at ang sarap pakinggan non sa tainga. 

May ibinulong ang daddy niya sa kaniya na ikinalingon nito sa gawi namin at nagtama ang tingin naming dalawa.

He smiled gently to me kaya ngumiti ako kahit na subra-subra ang kaba ko.

Subrang miss ko siya!

Kumalas siya sa yakap ng magulang at lumapit sa akin. Hindi ko naman alam kung anong una kong gagawin.

Yayakapin ko ba siya? Hahalikan?

Hahalikan?! No!No!

" Hi bro! Long time no see ah!" sambit ng katabi ko at nakipagfeast bump kay Khrus. Nakuha ni Krio ang atensiyon niya.

" Yeah, it's nice to be back! You look fine ha, gumwapo ka ata lalo" anito na ikinatawa ng malakas ng katabi ko.

" Alagang safeguard yan bro!" natawa naman si Khrus sa sagot nito. Napasinghap ako nong siniko ako ni Krio kaya napalingon ako sa kaniya, ngumuso siya sa akin at tinuro ang kaharap namin gamit ang nguso niya.

" Natahimik ka diyan? Bebe mo oh" walang gatol-gatol na sambit niya na ikinapula ng pisnge ko. Napabaling naman ulit ako sa kaharap namin na ngayon ay hiyang-hiya rin.

Crayon Anthony! Humanda ka talaga sakin mamaya!

Pasimple kong kinurot ang katabi kong walang modo. Ramdam ko naman ang paglayo at pagngiwi niya sakin.

" Mace..." napaawang ang labi ko nong marinig ko ang boses niya habang nakatitig siya sa akin.

" Hi?" sambit niya mukhang hindi pa sigurado kaya nakagat ko ang labi ko para pigilan ang pagngiti.

" H-Hi..." ganti ko, nautal pa nga.

" Hala si Antie, pabebe! di kita pinalaking ganiyang Ming! umayos ka!" nandito pa pala to!

Kung wala lang dito si Khrus ay nasipa ko na ito kanina pa!

Pinapahiya talaga ako ng lalakeng to!

Tumawa si Khrus sa sinabi nito at walang pasabing niyakap ako ng mahigpit. Naramdaman ko namang parang lumundag ang puso ko sa subrang tuwa at kilig ko.

Nandito na siya! Nayayakap ko na ulit!

" I miss you" bulong niya. Napayakap din ako sa kaniya pabalik at dinama ang mainit niyang katawan. Ang bango niya subra!

" I miss y

ou too" bulong ko rin.

My Elementary crush

My High School puppy love

and now my first Love, is here...

Tagal kong hinintay ang pagkakataong to...