Chapter 1

" Aruy! alas dyes na pala!" 

Lahat kami ay napatingin kay Krio sa lakas ng boses niya. Marahan naman akong pinakawalan ni Khrus habang ang mga mata niya ay nasa kaibigan namin.

" What's wrong bro?" tanong niya rito. Bumalik-balik naman ang tingin ni Krio sa cellphone niya at sa amin.

" Yung pagkain ng baboy na pinapabili ni tatay kailangan ko na palang bilhin baka magsara yung store, linggo pa naman ngayon" Napakamot batok siya at nahihiyang tinignan sina Ma'am Lysa at Sir Leo ganon din kay Khrus.

" Hindi ba yan pweding bukas nalang? We prepared food" sambit ni Sir Leo

" Kakadating ko lang, aalis ka agad" 

" Eh, pasensiya na Sir, Khrus. Wala na kasi kaming stock. Kailangan ko tong bilhin ngayon. Babawi nalang ako sayo bro, date tayo bukas" aniya sabay tawa na ikinatawa rin ng tatlo ako naman ay napairap sa kasamaang palad ay nahuli niya ako.

" Ay selosa! wag kang mag-alaala iyong-iyo na yan" aniya na ikinaawang ng labi ko. Lumakas naman ang tawa ni Khrus kaya nahiya ako bigla.

Ililibing talaga kita ng buhay Crayon Anthony!

Dito pa talaga sa harap ng mga magulang ni Khrus! 

Sisinghalan ko na sana siya nang biglang yumuko si Khrus at bumulong sa tainga ko!

" Don't worry I'm all yours" bulong niya na ikinapula ng pisnge ko.

Wait lang naman! Ang galing niyang magpakilig, abot-abot sa nucleus ng cells ko!

" Wala na, kinilig na talaga. Makaalis na nga rito" rinig kong sambit ni Krio kaya napalingon ulit kami sa kaniya. Nagpaalam siya sa mga magulang ni Khrus pati narin rito sa akin lang hindi.

Inis nalang talaga ata ang ambag ng lalakeng to sa buhay ko.

Pinagmamasdan ko siya habang naglalakad palapit sa tricycle niya nong hindi pa niya pinaandar ang sasakyan niya ay mabilis ko siyang tinawag na ikinalingon niya sa akin nang may pagtatakang mukha.

" Wait lang Khrus ha" paalam ko at tumakbo palapit kay Krio.

" May kailangan ka?" agap na tanong niya paglapit ko.

" Balik ka rito mamaya, sunduin mo ko" utos ko sa kaniya na ikinasimangot niya.

" Mahal ang gasolina ngayon. Kay Khrus ka nalang magpahatid" sinamaan ko siya ng tingin bago saglit na lumingon sa gawi ni Khrus na nakatayo sa harap ng pintuan ng bahay nila hinihintay ako. Wala na sina Ma'am Lysa at Sir Leo, mukhang pumasok na sa loob.

Bumaling ulit ako kay Krio. " Sige na kasi. Pagod si Khrus ngayon" napahawak siya sa dibdib niya umaktong nasasaktan.

" Ay wow! Kumusta naman ako, ang layo ng bayan tas uutusan mo pa akong balikan ka dito nakakapagod yun Meztli Royace" 

" Parang di naman to kaibigan!" angal ko 

" Abusado ka. Kinaibigan mo siguro ako dahil alam mong may motor at tricycle ako" napatawa naman ako sa sinabi niya at di naiwasang hampasin siya na ikinadaing niya.

" Ayan! nananakit pa nga" reklamo niya

Huminto ako sa pagtawa at hinawakan ang laylayan ng t-shirt niya hinihila-hila iyon ng mahina.

" Sige na kasi"

" Maglakad ka nalang. Ang arte mo" napasinghap ako sa sinabi niya.

" Kring naman!" hinila ko pa lalo ang t-shirt niya.

" Oo na! Pakawalan mo nga ang damit ko 400 bili ko nito sa shoppee nong nakaraan, tas sisirain mo agad" aniya kaya mabilis kong binitawan ang t-shirt niya. Infearness naman makapal ang tela.

" Bili moko turon ha" bilin ko. Nilahad niya naman sakin ang palad niya.

" Pera mo"

" Sa bahay ko na babayaran mamaya. Kuripot nito" sabi ki sabay tampal ng kamay niya. Tinignan niya ako na para bang ako ang pinakasinungaling na taong nakilala niya.

" Style mo bulok" sambit niya na ikinatawa ko." Ilan ba?"

" Sampo" tumango naman siya sa sagot ko at pinaandar na ang makina ng tricycle niya.

" Alis na ako, Ming" paalam niya. Ngumiti naman ako " Ingat, Kring" tinanguan niya lang ako bago tuluyan nang umalis.

Nilingon ko ang lalakeng kanina pa naghihintay sa akin. Tumakbo naman ako palapit sa kaniya at agad na nagsiklop ang kamay namin nong magdikit kami.

" Let's go inside" aya niya na ikinatango ko.

Dumiretso kami sa dinning area nila kung saan naghihintay ang mga magulang niya. Nagkwentuhan kami habang kumakain. Medyo naiilang pa ako at nahihiya sa una pero kalaunan ay nasanay narin ako sa presensiya ng lalakeng katabi ko. Ang dami niyang kwento tungkol sa pag-aaral niya sa Europe at mga pinagkakaabalahan niya roon. 

Napapangiti nalang ako habang nagkukuwento siya.

Subrang proud ako sa mga accomplishments niya sa buhay. He graduated cumlaude with his course, Bachelor of Law in Political Science.

Nakakamangha ang katalinuhan niya. Board exam nalang at mayroon na akong abogado.

Kinikilig ako tuwing naiisip iyon. Khrus is totally a full package, maliban sa matalino, gwapo ay napakabait rin at mapagmahal na anak. Kaya nga ay hindi ako makapaniwala na gusto niya ako.

Pagkatapos ng Lunch namin ay inaya ako ni Khrus sa bakuran nila kung saan may malaking pool. Magkahawak kamay kaming dalawa habang naglalakad papunta ron at tuwing magtatama ang tingin namin ay nginitian niya ako ako naman ay napapaiwas ng tingin dahil hindi ko kinakaya ang ganda ng ngiti niya.

" Naiilang ka ba?" tanong niya nang tuluyan kaming nakaupo sa may kalakihang fountain na nandito rin sa bakuran nila. 

" Medyo.." pag-amin ko na ikinatawa niya ng mahina. Tuwing ginagawa niya yon ay mas lalong siyang nakakaattract sa paningin ko.

" Why? do I look intimidating?" hindi pero subrang gwapo mo.

" Naninibago lang siguro.." sambit ko na ikinakunot ng noo niya.

" Walang namang bago, ikaw parin naman" napaawang labi ko sa sinabi niya ramdam ko rin ang pagpula ng pisnge ko siya naman ay ngisi-ngising nakatitig sa akin. Alam na alam niya talaga kung paano ako kunin.

" N-Napakabolero mo parin kahit kailan!" singhap ko.

" Pambobola ba yun? I'm telling the truth" kahit na nakakalukong ngiti ang binibigay niya sa akin ay nakikitaan ko naman ng kaseryosohan ang mga mata niya.

" Hindi malabong may magustuhan kang iba sa Europe" sabi ko na kaagat niyang ikinailing.

" I know I'm handsome and I can't stop girls for liking me but I promise cross my heart walang kahit sinong babae ang nakakuha ng atensiyon ko roon" 

Habang nagsasalita siya ay pinaglalaruan niya ang kamay ko. 

" Naniniwala ka ba sakin?" tanong niya bago inangat ang kamay ko para halikan. Ngumiti ako sabay tango.

" Hindi na ako aalis sa tabi mo. Those years are enough separation for us"

" Subrang proud ako sayo" sambit ko

" I'm proud of you too" hinigit niya ako palapit lalo sa kaniya at niyakap ako.

Wala kaming ginawa doon kundi mag-usap ng kung ano-anong bagay. May ibinigay din soya sa aking mamahaling kwentas na hindi ko sana tanggapin pero mapilit siya. Pasalubong niya raw at regalo narin sa mga nagdaang kaarawan ko na wala siya.

" It looks pretty on you, bagay sa suot mo" wika niya pagkatapos isuot ang kwentas sa akin na may pindat na silver na puso. Subrang ganda nito yun ngalang ay mukhang mamahalin.

" Salamat" 

Pasado alas singko na ng hapon nong dumating si Krio akala ko nga ay di na darating kaya nagpresinta si Khrus na ihahatid niya ako pero tumanggi ako.

Pagod pa siya sa byahe. Sapat nang binigyan niya ako ng oras para makapag-usap kaming dalawa imbis na ipapahinga niya sana yun.

Hindi naman agad kaming umalis ni Krio don dahil tinawag siya ni Khrus. May pinag-usapan silang dalawa at may binigay din si Khrus sa kaniya.

" Oyy! Ayos to ah!" masiglang sambit ni Krio nang buksan ang itim na box na naglalaman ng mamahaling relo na pasalubong ni Khrus sa kaniya.

" Salamat bro" 

" This too, para kay Mang Anton " wika ni Lhrus sabay abot ng pahabang shopping bag na may tatak ng brand ng alak.

" Salamat ulit, matutuwa si tatay nito" tumango si Khrus bago bumaling sa akin na parang may gustong sabihin bago kami umalis.

Rinig ko ang tikhim ni Krio kaya napalingon ako sa kaniya.

" Una na ako sa labas, hihintayin nalang kita ron" anito kaya tumango ako bago soya tuluyang umalis. Tinanaw ko pa ang paglayo niya sa amin.

" About my present for your parents.." napalingon ako kay Khrus nang magsalita siya. " I want to personally give it to them bukas, pupunta ako sa inyo" napaawang ang labi ko sa sinabi niya.

Bukas agad?!

Ngumiti siya ng malapad sa akin " pwedi ba?" 

Tumikhim ako bago magsalita " S-Sige" 

Mapapaoplan linis bahay ata ako ng di oras! 

Alangan namang tanggihan ko!

" See you tomorrow then..Thank you for your time" Napaawang ulit ang labi ko nang halikan niya ako sa pisnge.

" Bye for now"

" B-Bye.." hulog na hulog na nga ata ako.

Agad akong tumalikod at halos takbuhin ko na ang labasan nila sa subrang kilig na nararamdaman ko!

Subrang lawak ng ngiti ko nong makasalunong ko ang tingin ni Krio na nakaupo sa motor ng tricycle niya, hinihintay ako. Kumunot naman ang noo niya sa akin.

Napagkamalan na siguro akong baliw ng isang to.

" Oh? kayo na?" bungad niya pagkalapit ko sa kaniya. Agad na nagbago ang mood ko sa sinabi niya. Ang epal nito magtanong.

" Hindi pa!" hindi pa nga nanliligaw..." Pero hinalikan niya ako sa pisnge Kring!" tumili ako at tumawa, bahagya ko pang sinilip ang bahay nila at baka nandon pa pala si Khrus, mukhang ingot pa naman ako ngayon!

Tinaasan naman ako ng kilay ng loko at pinitik ang noo ko. Aba't!

" Talandi ka! Hindi pa nga kayo nagpapahalik ka agad!" singhal niya sa akin kaya hinampas ko siya.

" Kakaoffend ka magsalita! Cheeks lang naman!" nagmake face siya sakin kaya natawa ako.

Ano pa bang aasawahan ko sa isang to.

" Wala ka talagang kwentang kausap" reklamo ko sabay sakay sa tricycle niya. Sa unahan ako pumwesto. Hindi naman niya ako tinantanan ng tingin kaya napataas ang kilay ko.

" Pag ikaw nabuntis ha" pambabanta niya na ikinaawang ng labi ko. 

Para talaga siyang kuya ko kung magsalita!

" Hindi nga nanliligaw yung tao nasa pregnancy stage kana agad!" singhap ko

" Basta ba umayos-ayos ka lang, susumbong kita sa mga magulang mo" parang batang panakot niya sa akin kaya natawa ako. Pinaadar na niya ang makina ng tricycle niya at tuluyan na kaming umalis sa mansiyon ng mga Sudalga.

" Yung turon ko?" tanong ko nang maalala ang pinabili ko sa kaniya. Nginuso niya naman yung lagayan ng gamit nila sa harap kaya binuksan ko iyon. Mainit-init pa yung turon nang mahawakan ko kaya bumaling ako sa kaniya.

" Kakabili ko lang niyan bago pumunta rito" sagot niya agad kahit hindi pa ako nagtatanong. Nakafocus lang siya sa pagdadrive at hindi ako binalingan ng tingin.

" Salamat Kring!" masaya kung nginuya ang turong hawak ko, paborito ko talaga to. Bumaling ulit ako kay Krio at inangat ang kamay kong mayhawak na turon palapit sa labi niya.

" Ah" kumagat siya roon pagkatapos ay ako rin.

Bumaling ulit ako sa unahan at habang bumabyahe ay hindi ko nanaman maiwasang isispin ang nangyari kanina. Kusang ngumingiti ang labi ko at para akong tangang kinilig parin.

" Ganiyan na ganiyan yung aso namin noon bago mamatay, ngiti nang ngiti" napahinto ako bago balingan si Krio na nakangisi na nakatuon sa harap.

 Inirapan ko siya. Lakas niyang mang-asar palibhasa walang lovelife. 

Nakakapagtaka ngang ang daming nagkakagusto sa kaniya rito sa Victorina pero ni minsan di ko siya nakitang nakipagfling man lang o nang-entertain ng babae. Magkasing tangkad lang sila ni Khrus, yung ngalang ay maputi yun kaysa sa kaniya. Kayumanggi ang kulay niya pero makinis na ipinagtataka ko dahil palagi siyang nasa farm nila at madami siyang ginagawa paanong makinis parin ang kutis ng lalaking to?

 Subrang itim ng buhok niyang nakahawi pataas at sakto lang ang haba, pulang-pula din ang labi niya at makapal ang kilay at pilik mata. Almond din ang hugis ng mga mata niya at subrang lalim at matalim iyong kung tititigan. Ganon din kay Khrus, napakaattractive ng mga mata nila nag-iba lang sa kulay. Itim na itim ang kulay ng mata ni Krio habang kay Khrus naman ay brown.

They're both attractive, loko-loko lang talaga ang isa.

" Wag ka muna umalis! pupunta ako sa inyo, bibisitahin ko yung mga idik na hiningi ko kay Tay Anton!" sabi ko sabay labas sa tricycle, hindi ko na hinintay ang reaksiyon niya at tumakbo papasok sa bahay. 

Wala pa sina nanay at tatay mukhang gagabihin nanaman ang dalawang yun. Nagtungo na ako sa kwarto ko at nagbihis ng pambahay. Hindi rin ako nagtagal dahil alam kong kanina pa naiinis ang lokong yun sa akin.

Puro reklamo pero susunod rin naman.

" Pwedi naman kasing dumeritso sa bahay na ganon ang suot, nagbihis pa talaga" reklamo niya.

" Gusto mong bumukaka ako ron sa kulungan ng baboyan niyo nang nakadress?!" 

" Ay! sino bang nagsabi na magdress ka?ha?" inis ko siyang inismiran bago sumakay ulit sa tricycle niya.

" Bakit ba kita naging kaibigan?" bulong-bulong ko pero alam ko namang maririnig niya parin.

" Nagtataka rin ako" aniya, kaya sinamaan ko siya ng tingin. Tinitigan ko siya, ganon din siya maya-maya ay tinawanan ako ng loko.

" Kailang kaya kita makakausap ng matino?" umakto akong napapagod. Sinundot-sundot niya ang pisnge ko.

" Magtino ka muna"

" Crayon Anthony!" hinawi ko ang kamay niya sa inis. " Paandarin mo na to!" 

Tumawa lang siya at umalis na nga kami papunta sa bahay nila. Pagpasok namin sa bakuran nila ay pinarada na nga niya ang tricycle niya sa gilid ng bahay nila. Sabay kaming naglakad papasok sa bahay nila na sementado at simply rin katulad ng sa amin pero mas malaki itong kanila. Malawak rin ang bakuran nila at may mga bulaklak sa gilid at malinis. Hindi halatang dalawang lalake ang naninirahan dito sa subrang ganda ng pahay nila.

" Tay? nandito nako, kasama yung ampon niyo" wika ni Krio pagpasok namin sa bahay nila. Siniko ko naman siya dahil sa kalokohan niya. Maya-maya ay lumabas si Tay Anton galing sa kusina nila. Agad siyang ngumiti nang makita ako.

" Aba! ang maganda kong anak!" sambit niya, nagmano naman ako sa kaniya sumunod ay si Krio.

" Bibisitahin daw yung idik na hinihingi niya. Bigay niyo yung pinakamaliit at payat"

" Tay oh!" para akong batang nagsusumbong. Tumawa naman si Tay Anton at inakbayan kaming dalawa.

" Ikaw nga Anthony wag mong inaasar-asar tong si Mace" 

Nagdidilim na ang kalangitan nong bisitahin namin ang farm nila na hindi naman kalayuan sa bahay nila. Nagdala lang kami ng flashlight at may ilaw naman kasi don sa maliit na piggery nila.

" So cutiee naman!" nagniningning ang mga mata ko habang pinagmamasdan ang mga maliliit na idik na dumidede sa inahin nila. Ang dami nila!

Naagaw ng pansin ko ang isang kulay itim, siya nag pinakamalikot sa kanila.

" Tay! Gusto ko yung kulay itim na subrang likot, kamukha ni Krio" pang-aasar ko sa lalakeng katabi ko na kinunotan ako ng noo.

Tumawa naman si Tay Anton sa sinabi ko.

" Dalawa diba?" nakangising tanong na sa akin ng loko. May raramdaman akong hindi maganda.

" Ako ang pipili!" aniya sabay baling sa mga idik.

" Ay

un!" turo niya sa isang idik na nakahiga sa sulok mukhang busog na busog na dahil ang laki ng tiyan.

" Yan! yung pinakamaarteng idik na yan! sanggol palang maarte na!, magkatulad kayo!"

 wika niya na ikinairap ko.

Sabi ko na eh.