4 - No Backing Out

Nagulantang ang lahat sa narinig mula kay Soleil. Ang mga mata ng kanyang ama ay nanlaki sa gulat, habang si Ginang Divina, ina ni Lysander, ay napanganga sa rebelasyon. Ngunit ang gulat sa kanyang mukha ay mabilis na napalitan ng tuwa. "Bueno! This is great! I didn't know Lysander is going to get married soon! Bakit mo naman sinekreto sa amin, anak? Ilang beses ka na naming pinipilit na magpakasal! Sinurpresa mo naman kami, son," tuwang-tuwang wika ng ginang, hindi mapigilan ang saya sa kanyang tinig.

Samantala, si Lysander ay tila napako sa kinatatayuan, hindi alam kung paano tatanggapin ang mga nangyayari. Ang mga mata niya ay nakatuon kay Soleil, na nagpatuloy sa kanyang sinabi na para bang ito ay isa lamang pangkaraniwang bagay.

"Totoo ba, Sol?" tanong ng kanyang ama, halatang hindi makapaniwala sa narinig.

"Yes, Dad," sagot ni Soleil habang may matamis na ngiti sa kanyang labi. Napatingin sa kanya ang lahat, maging ang mga taong nasa paligid nito, na kanina pa sumusubaybay sa kanilang usapan. "Actually," nag-atubili si Soleil sandali bago ipahayag ang sumunod na pangungusap, "I'm pregnant with his child."

Sa mga salitang iyon, ang buong silid ay tila nanahimik. Ang mga bulong ng mga bisita ay unti-unting huminto habang ang bawat isa ay napalingon kay Soleil at Lysander, nag-aabang ng kanilang susunod na reaksyon.

Nawalan ng balanse si Ginang Divina, at mabuti na lamang ay nandoon si Mr. Alcantara upang agad siyang alalayan. "Pregnant?" tanong ni Mr. Lauro, hindi makapaniwala sa narinig. Ang kanyang mga mata ay puno ng pagtataka at kaguluhan. Hindi niya inakala na sa isang simpleng selebrasyon ay isang malaking balita ang ilalantad ng kanyang anak.

"Yes, Mr. President," malumanay na sagot ni Soleil, na tila ba walang anumang kaba sa kanyang tinig. Alam niyang hindi na niya kayang umatras pa sa ginawa niyang pahayag. "I'm carrying Lysander's child."

Naghahalo ang mga emosyon sa loob ni Lysander. Gulat, pagkabahala, at galit ang sabay-sabay na bumalot sa kanya. Paano nangyari ito? Hindi niya inakalang magiging ganito ang takbo ng kanilang mga buhay. Ngunit sa harap ng kanilang mga magulang at ng mga bisita, alam niyang wala na siyang magagawa kundi harapin ang sitwasyon.

"Anak, totoo ba ito?" halos pabulong na tanong ni Ginang Divina kay Lysander habang mahigpit na hinahawakan ang braso ng anak.

Hindi na napigilan ni Lysander ang sarili at agad na hinila si Soleil palabas ng main hall. "Ly!" gulat na tawag ng kanyang ina, ngunit bingi si Lysander sa mga tawag, determinadong mapalayo sila sa mga mata ng media at bisita. Sa kabila ng mabibigat na yabag ni Lysander, si Soleil naman ay nahihirapan makasabay sa kanyang mabilis na hakbang dahil sa suot na matataas na takong. Naiirita na ang dalaga, ngunit alam niyang siya mismo ang nagsimula ng kaguluhang ito, kaya't wala siyang magawa kundi sumunod.

Nang makarating sila sa pool area ng mansyon, doon lamang binitiwan ni Lysander ang kamay ni Soleil. "What the heck are you doing?!" singhal ng binata, bakas sa kanyang mukha ang galit. Umiigtim ang kanyang panga, at ang mga mata niya ay tila nag-aapoy sa galit.

Sa kabila ng tensyon, nanatiling matatag si Soleil, iniangat ang kanyang baba at hinarap si Lysander. "You can't back out now, Lysander. The media knows that you're marrying me. And if you back out, it'll destroy the two of us."

Nang marinig ito, biglang sumiklab ang galit sa loob ni Lysander. "It'll only destroy you, Miss Soleil. Hindi ko anak 'yang dinadala mo! Huwag mo akong idawit sa problema mo!" galit na bulyaw ni Lysander, ang bawat salita ay puno ng hinanakit at poot.

Natigilan si Soleil sa sinabi ng binata. Ang tapang at lakas ng loob na kanina ay ipinapakita niya, unti-unting nabawasan. Ngunit hindi siya papatalo, lalo pa't nakasalalay dito ang kanyang kinabukasan. "You think this is just about me? Kung tatanggihan mo ako ngayon, Lysander, hindi lang ako ang masisira. Ang pamilya mo, ang pangalan mo, ang buong reputasyon mo ay madadamay."

Napailing si Lysander, pilit na pinapakalma ang sarili. "And you think I care about that? You're dragging me into this mess, Soleil. I don't know what game you're playing, but I won't let you ruin my life."

Umigting ang panga ni Soleil, nagpipigil ng galit. "This is not a game, Lysander. And whether you like it or not, we're in this together now. Alam mo kung ano ang gagawin ng media kapag nalaman nilang hindi mo ko papakasalan. It'll be a scandal, not just for me, but for you as well. And you know what that means for both of our families."

Napabuntong-hininga si Lysander, pilit na iniisip kung paano lulusutan ang sitwasyong ito. Alam niyang tama si Soleil. Ang isang maling galaw ay puwedeng magdulot ng matinding epekto, hindi lamang sa kanya kundi pati na rin sa kanyang pamilya. Ngunit hindi niya matanggap na napasok siya sa ganitong sitwasyon nang hindi man lang siya handa.

"Why, Soleil? Bakit kailangan mo pang gawin ito?" tanong ni Lysander, hindi na maitago ang pagkadismaya sa kanyang boses.

Mabilis na nakahanap ng sagot si Soleil, matigas ang loob at determinadong ipaglaban ang kanyang plano. "Because I need you, Lysander. I need you to save me, and whether you like it or not, you're the only one who can."

Magsasalita pa sana si Soleil upang ipagtanggol ang sarili nang bigla silang napansin ng kanilang mga magulang. "Sol! Ly!" tawag ni Ginang Divina, masayang naglalakad patungo sa kanila kasama si Ginoong Lauro.

"Anong ginagawa niyo rito? Let's celebrate the merging of the two families! And for the new member of the family," galak na saad ni Ginoong Lauro, na tila wala pa ring kamalay-malay sa tensyon sa pagitan nina Soleil at Lysander.

Ngunit bago pa man sila tuluyang sumama, napigilan sila ng ina ni Soleil, si Katarina, na halatang alalang-alala. "Mauna muna kayo, Lauro, Vina, we need to talk first with our daughter. This is very a sudden for us. If pwede?" Nanghihinang saad ng ina ni Soleil na si Katarina. pakiusap ng ina ni Soleil, halatang hindi pa lubos na matanggap ang balita.

"Yes, yes. Hintayin namin kayo doon," nakangiting tugon ni Divina, bago tumalikod at dinala na si Ginoong Lauro pabalik sa pagtitipon.

Nang makalayo na ang mag-asawang Alcantara, agad na sumunod si Lysander sa kanila, ngunit bago pa man siya makalayo nang tuluyan, narinig niyang umalingawngaw ang isang malakas na sampal. Nang lingunin niya ito, nakita niyang nasa harap ni Soleil ang kanyang ama, na may galit na galit na ekspresyon sa mukha.

"Pregnant? What the hell are you thinking, Sol?! Alam mo bang hindi pwedeng mabuntis kaagad ng hindi pa kayo kasal!" sigaw ni Mr. Ong sa anak, ang kanyang galit ay tila sumasabog mula sa bawat salita.

Napansin ni Lysander ang pagtulo ng luha ni Soleil. Hindi siya makapaniwala sa nasaksihan. "Hindi pwede? Bakit?" naguguluhang tanong ng binata sa kanyang sarili, hindi maintindihan kung bakit ganito na lang ang reaksyon ng ama ni Soleil.

"Dad, I'm sorry—" muli na naman sanang magpapaliwanag si Soleil, ngunit isa pang malakas na sampal ang dumapo sa kanyang pisngi, mas malakas kaysa una. Agad na inawat si Mr. Ong ng kanyang asawa, si Katarina, na halos umiiyak na rin sa sitwasyon.

"Chris! Tama na! Buntis si Sol, huwag mo na siyang saktan pa," pagsusumamo ni Katarina, yakap ang kanilang anak na humihikbi na sa sakit at takot.

Nagningning ang galit sa mga mata ni Mr. Ong habang sinasabi kay Soleil, "This is why we shouldn't give everything to her! Hindi lang pala ang pangrerebelde ang kaya niyang ibigay, kundi kahihiyan!" Ang sigaw niya ay puno ng pang-uuyam at galit, tila sumasabog sa bawat salita.

"Hindi naman kahihiyan iyon, Chris!" pilit na pinapakalma ni Katarina ang asawa, bagamat halatang nanginginig sa takot. "Si Lysander naman ang mapapangasawa ni Sol. Anak ng President ng bansa," patuloy niyang wika, umaasang makapagpapahupa ito sa galit ng asawa.

Ngunit mas lalong nag-alab ang galit ni Mr. Ong. "Do you really think that Lysander is the father, Kat? Nakita mo ba ang reaksyon niya matapos sabihin ng anak mo ang mga kasinungalingan na iyon?!"

Hinawakan ni Mr. Ong ang braso ni Soleil nang napakahigpit, dahilan upang mapaigik ang dalaga sa sakit. Tumulo ang luha ni Soleil nang walang patid habang ang takot ay bumabalot sa kanyang buong pagkatao. "Tell me, who's the father, Soleil?!" bawat salita ay may diin, puno ng galit at poot.

Takot na takot si Soleil na magsalita, alam niyang kung ano ang maaaring gawin ng kanyang ama kapag nalaman nito ang katotohanan. Ngunit bago pa man siya makapagsalita, nakita niyang si Lysander ay tila nag-aalangan, ngunit kitang-kita rin ang determinasyon sa kanyang mukha. Nakakuyom ang kanyang mga kamao, tila nagpipigil ng galit.

Lysander, matapos makapagdesisyon, ay hindi na nagdalawang-isip na sumali sa sitwasyon. "I'm sorry to interfere, Mr. Ong," panimula niya, ang boses ay puno ng determinasyon at kalmadong galit. "But Soleil's child is really mine. There's no need to doubt about it because I am marrying your daughter sooner or later."

Naguluhan si Mr. Ong, ngunit hindi niya naitago ang bahagyang pagkalito at galit na nahaluan ng pag-aalinlangan. Saglit na napatingin si Lysander kay Soleil, na halatang nabigla sa ginawa ng binata, ngunit may pahiwatig ng pag-asa sa kanyang mga mata. Alam niyang maaaring hindi totoo ang sinabi ni Lysander, ngunit ang kanyang pagkilos ay tila nagsasabing handa itong akuin ang responsibilidad upang mailigtas siya mula sa galit ng kanyang ama.

"Kaya kung may problema kayo, Mr. Ong," patuloy ni Lysander, "let's discuss this like adults. Your daughter doesn't deserve to be treated this way, especially not now."

Nang narinig ni Soleil ang sinabi ng kanyang ama, tila pinagsakluban siya ng langit at lupa. Napaangat siya ng tingin kay Lysander, na parang naghahanap ng sagot, ngunit walang nahanap na pag-asa. Sa halip, pinikit niya ang kanyang mga mata at napayuko muli, nararamdaman ang bigat ng sitwasyon.

"Marry her as soon as possible, Mr. Alcantara. I don't want any issues circulating about you and my daughter," mariing utos ng ama ni Soleil bago ito lumisan, walang iniwang espasyo para sa pagtanggi o paliwanag.

Nang makaalis ang kanyang ama, hindi na napigilan ni Soleil ang emosyon. Napatigil siya sa kanyang kinatatayuan, bago tuluyang napaupo sa damuhan. Walang humpay ang pag-iyak niya, nanginginig ang buong katawan sa takot, kaba, at pagkalito. Alam niyang wala na siyang magagawa upang baguhin ang mga nangyari, at ang hinaharap na tinatahak nila ni Lysander ay tila nagiging mas malabo.

Tahimik na lumapit si Lysander, umupo sa tabi niya, at marahang inalalayan siya. Hinayaan niyang mailabas ni Soleil ang lahat ng kanyang hinanakit, hanggang sa tuluyan itong mapatigil sa pag-iyak. Ang bawat hagulgol ng dalaga ay tila isang panibagong bigat sa puso ng binata, ngunit nanatili siyang kalmado sa kanyang mga kilos.

Nang sa wakas ay bumalik ang katahimikan, dahan-dahang tumayo si Soleil, patuloy na inaasahan ang suporta ni Lysander. "Thank you," wika niya, ang kanyang boses ay bahagyang nanginginig, ngunit may kapirasong katatagan. Alam niyang hindi magbabago ang kanyang sitwasyon, ngunit ang presensya ni Lysander sa tabi niya ay nagbigay ng kaunting ginhawa.

Walang anumang emosyon ang makikita sa mukha ng binata. Ito ay tila malayo, parang iniisip ang malalim na bagay na wala sa kanyang paligid. Nang mapansin ito ni Soleil, bahagya siyang natawa, isang mahina, mapait na tawa. "There's no turning back now, Lysander. Papanindigan mo ba?"

Sa tanong na iyon, nanatiling tahimik si Lysander. Hindi siya nakasagot, at sa kanyang isipan, ang bawat salita ay tila isang dagok sa kanyang sariling mga plano at pangarap. Alam niyang ang lahat ng ito ay magdudulot ng malaking pagbabago sa kanyang buhay—isang buhay na hindi niya kailanman inakala na mapupunta sa ganitong sitwasyon. Paano na niya masusuyo ang kanyang matagal nang kasintahan? Paano niya haharapin ang mga pangako na kanyang binitiwan?

Ngunit sa harap ng lahat ng ito, alam ni Lysander na hindi na siya makakabalik sa dati. Ang tanong na binigay ni Soleil ay nananatiling nakabitin sa hangin, tulad ng bigat na nakapatong sa kanyang mga balikat. Kung papanindigan niya ito, paano siya magsisimula? At kung hindi, ano ang magiging kapalit ng kanyang desisyon?