Kabanata 0003

Sa kalaunan ay bumalik si Amy sa NorthHill at siya ay tumira sa isang two-bedroom na apartment. Iyon ang kaya ng budget niya sa sandaling iyon. Sa katunayan, ang pagkuha ng apartment na iyon ay nagkakahalaga ng halos lahat ng perang naipon niya sa anim na taong pagtatrabaho niya sa maliit na lungsod na pinanggalingan niya.

Dahil may degree na siya, hindi na siya dapat mag-effort para makakuha ng trabaho dito sa NorthHill. Kahit na magkataong makita niya si Callan, sapat na panahon ang anim na taon para hindi siya maapektuhan sa mga nangyari noon sa pagitan nila.

Malaki ang posibilidad na ikinasal na siya sa kanyang secretary. Hindi pinansin ni Amy ang iniisip niya tungkol kay Callan at nagsimulang maghanap ng mga job opportunity online. Nag-apply siya sa maraming kumpanya hangga't kaya niya.

Hindi niya gugustuhing magutom ang kanyang mga anak, ang pagpapakain sa anim na bata sa isang malaking responsibilidad at tiyak na malaki ang gastos lalo pa at tiniyak niya sa kanila ang mas mahusay na edukasyon dito kaya kailangan niyang maipasok ang mga bata sa isang magandang paaralan sa lalong madaling panahon.

Noong gabi ng sumunod na araw, nakatanggap siya ng offer na ipagpatuloy ang trabaho bilang isang dental assistant sa ospital. Bagama't medyo mababa ang suweldo, okay pa rin ito kumpara sa wala. Umaasa pa rin siya na makakakuha siya ng mas magandang alok sa trabaho mula sa isa sa iba pang kumpanyang kanyang inaplayan.

Ipinagpatuloy niya ang trabaho kinabukasan at nagsimulang magpursige nang husto, ang dentista na direktang tinutulungan niya ay palakaibigan at sila ay magkasundo naman. Ayaw niyang makaltasan ang kanyang suweldo sa anumang kadahilanan kaya naging maingat siya sa lahat ng kanyang ginagawa.

Sa kanyang ikatlong araw ng trabaho, pinatawag siya ng kanyang amo at sa sandaling siya ay humarap sa kanyang mesa, ang lalaki ay nagsalita, "Magpunta ka sa laboratory at siguraduhin mong ang lahat ng kinakailangang kit ay magagamit natin sa 2PM appointment mamaya, isang espesyal na tao ang darating para sa dental check up at kailangan maging maingat ka, okay?"

"Opo, sir," magalang na ibinaba ni Amy ang ulo bago naglakad palayo.

Pagsapit ng 2PM, nasa kwarto na si Amy dala ang lahat ng kinakailangang kit at hindi na makapaghintay na makita kung sino ang espesyal na taong ito.

Bigla siyang nakarinig ng kaguluhan sa labas at sumilip siya sa bintana at nakita niya ang humigit-kumulang pitong itim na jeep na nakaparada at may Lamborghini sa gitna ng mga jeep na iyon. Halatang escort ang anim na jeep na ito sa kung sino man ang nasa loob ng Lamborghini.

Mabilis na nagtipon ang mga tao at maging ang maraming tao ay sumilip sa bintana para makita ang tao sa loob ng Lamborghini.

Lalong naging curious si Amy, gaano kaya ka-espesyal ang taong ito na ang presensya niya lang ang nakakaakit ng napakaraming tao. Dalawang lalaking nakasuot ng itim na suit ang nakatayo sa likod ng pinto ng Lamborghini na bumukas ng mag-isa at isang spender legs ang bumaba bago tuluyang lumitaw ang kanyang katawan.

Ang sinag ng araw ay direktang sumikat sa kanyang mukha at ang kanyang hitsura ay naglalabas ng kamahalan at kakisigan. Siya ay mukhang isang tao mula sa maharlikang pamilya at siya ay nagpapalabas ng napakaraming kapangyarihan na masasabi ng sinumang nanonood ng sandali.

Hindi masyadong maaninag ni Amy ang kanyang mukha pero iniisip niya kung ang lalaking ito ba ang espesyal na lalaki na darating para sa dental check up? Kung siya nga, dapat itong maging maingat sa paligid niya. Ang huling bagay na gusto niya ay ang mahulog sa anumang gulo ng mga makapangyarihang lalaki sa NorthHill . Ang gusto lang niya ay magkaroon ng sapat na pera para mapangalagaan ang kanyang mga anak.

Maya-maya, bumukas ang pinto at napalingon agad si Amy at nang makita ang amo ay nakahinga siya ng maluwag.

"Nakahanda na ang lahat ha?" Tanong ng dentista.

"Yes, sir. Sorry, ngayon lang ako nakakita ng isang lalaki na bumaba sa isang Lamborghini, siya ba ang aasikasuhin natin?" Tanong niya.

"Tama, siya ang pinakamakapangyarihang tao sa NorthHill at maraming tao ang halos walang pagkakataon na makita siya kaya naman nakikita mo ang mga tao sa paligid. Kaya siguraduhin mo ha na ang lahat ay magiging maayos dahil narinig ko na mainitin ang ulo niya," sabi ng dentista.

"Ito ba ang unang beses na sayo siya nagpacheck up, sir?" tanong ni Amy.

"Oo, and sincerely, kinakabahan ako. Let's just hope everything works well," sabi niya at kinumpirma pa niya na inayos niya ang lahat ng dapat.

Pinakamakapangyarihang tao sa NorthHill? Ang pag-uugali nang walang ingat sa harap ng ganoong uri ng tao ay isang suicide mission.

Maya-maya ay may lumitaw na dalawang matipunong lalaki na naka-suit, ang isa ay may dalang briefcase habang ang isa naman ay walang hawak pero pareho silang matangkad at nakakatakot, hindi man lang sila nakangiti.

Napuno ng maringal na presensya ang kwarto at mabilis na nahulog ang mga mata ni Amy sa makapangyarihang lalaking ito. Siya ay matangkad at balingkinitan at napakagwapo. Damang-dama ang kanyang kakisigan.

'Ang swerte siguro ng girlfriend niya,' naisip ni Amy.

"Welcome, sir," yumuko ang dentista at sinenyasan siyang maupo kung saan siya masusuri. Tahimik siyang umupo at pagkatapos ay sinimulan ng dentista ang pagsusuri sa kanyang mga ngipin.

"Cotton forceps, please?" Tanong ng dentista kay Amy habang abala sa pagtatrabaho. Nakatayo si Amy at ibinibigay sa kanya ang lahat ng kailangan niya sa lalong madaling panahon pero hindi niya mahanap ang cotton forceps.

Nakalimutan ba niyang dalhin? Paano siya naging pabaya?

"Na...nalimutan ko po, kukunin ko na ngayon din," sabi niya at mabilis na lumabas. Hay naku naman! Paano niya ito makakalimutan?

Nang makuha niya ito, mabilis siyang tumakbo pabalik sa lab pero sa kanyang pagtataka, wala na ang lalaki o isa sa mga bodyguard nito ang nakita niya, kundi ang dentista.

Habang nasa kamay ang cotton forceps, nagtatakang tanong niya, "Nasaan na siya?"

Inabot ng dentista ang isang sulat sa kanya at walang sabi-sabing lumabas.

Napakunot ang noo niya at iniisip kung ano ang laman ng sulat. Marahan niyang ibinagsak ang cotton forceps at nakita niyang natanggal na siya sa trabaho. Ganun lang? Para lamang sa maling paglimot sa isang kagamitan.

Malamang 'yung 'espesyal na lalaki' na 'yon ang nag-utos na tanggalin siya sa trabaho. Ganun ba siya kasungit at walang konsiderasyon? Napaisip si Amy. Hindi ba pwedeng magkamali ang isang tao?

Lumabas siya sa lab at nagmakaawa sa dentista, "Sir, pasensya na po nalimutan ko lang talaga, sana po mapagbigyan niyo ako. Hindi ko po yun sinasadya. Hindi ko alam kung paano ko nakalimutan... please, hindi na po mauulit"

"Hindi ordinaryong tao ang nag-utos na tanggalin ka sa trabaho, kung ano man ang sabihin niya ay final na. Kaya kung gusto mong magmakaawa, puntahan mo siya at makiusap," sabi ng dentista at nagpatuloy sa kanyang trabaho.

Masasabi ni Amy na walang anumang pagsusumamo ang makakaimpluwensya sa dentista na labagin ang utos ng 'espesyal na lalaki' na ito.

Lumabas siya at tumakbo pababa, umaasang masusubukan niya ang kanyang kapalaran na makausap ang 'espesyal na lalaki' at ipaliwanag sa kanya na ikatlong araw pa lang niya sa trabaho at para sa kapakanan ng kanyang mga anak, kailangan niyang magpatuloy sa pagtatrabaho.

Hindi niya makita ang lalaki pero may nakita siyang apat na matipunong lalaki na naglalakad patungo sa Lamborghini. Masasabi niyang may nauna sa kanila. Gaano man kakulit ang makapangyarihang lalaki na ito, dapat siyang maging makatwiran at subukang unawain siya.

Sinugod niya ang matipunong lalaki at bago pa nila malaman ang nangyayari, nakatayo na siya sa harapan ng 'espesyal na lalaki.' Noon lang niya nakita ng malinaw ang mukha nito. Siya ay may pagkakahawig sa tatlo niyang anka na lalaki. Coincidence naman siguro diba?

Nagtakbuhan ang mga matipunong lalaki patungo sa kanya at gusto siyang ilayo sa kanyang harapan pero sumenyas ang 'espesyal na lalaki' na huminto sila. Nagulat silang lahat.

Natulala at natigilan si Amy saglit kaya naligaw siya ng tingin sa guwapong mukha nito. Napakurap siya at nanumbalik ang kanyang pakiramdam nang mapagtantong nasa harapan niya ang pinakamakapangyarihang tao sa lungsod.

"Sir, patawarin niyo po ako. Pangatlong araw ko lang po ito sa trabaho at hindi ko alam na may nakalimutan akong gamit. Ayokong matanggal sa trabaho, masipag po talaga ako, sir," taos-pusong pakiusap ni Amy.

Nakatitig lang ang lalaki sa mukha niya ng walang pakialam at nang hindi na ito nagsasalita ng tatlumpung segundo, kinabahan si Amy at inisip kung may mali ba itong nasabi, "Sorry po kung may mali akong nasabi, sir." Naisip ni Amy na mas mabuting umalis na lang siya at tanggapin ang kanyang kapalaran kaysa mahulog sa gulo ng lalaking ito.

Masyadong delikado ang itsura niya at parang lalamunin siya, kinakabahan siya at gustong tumalikod para umalis pero nagsalita ang lalaki, "Ang kapal ng mukha mong talikuran ako?"

Natigilan si Amy sa kinatatayuan. Ang kanyang boses ay parang kulog at ito ay nagpapadala ng labis na panginginig sa kanyang gulugod. Dinala ba niya ang problemang pilit niyang iniiwasan sa sarili niya ngayon?

Kusang umaalog ang bibig ni Amy nang masabi niya ang isang bagay pero lahat ng mga salita niya ay bumabara sa kanyang lalamunan.

Ang 'espesyal na lalaki' ay humakbang pa patungo sa Lamborghini at sinabing kaswal na, "Itapon ang babaeng ito."