Chapter 71

Hapon nailibing sina Lino at Catalina, malapit sa pinaglibingan ni Josefa. Nakita ko rin na sobrang dami rin ng nakipaglibing kina Catalina. Nandun din iyong pamilya ng asawa ni Patricio. Oo nga pala, pagpapalawak ng koneksyon sa negosyo ang dahilan kung bakit kami sumama doon.

Pinahatid ko rin ang pakikiramay ko kina Don Danilo at Donya Carlota pero agad din akong bumalik kay Lino. Halos ayaw ko siyang bitawan nang ililibing na siya. Kung p'wede ko lang siyang isama sa Espanya, gagawin ko. Kaso hindi e. Mabubulok agad si Lino.

Ayokong babuyin ang bangkay niya.

"Mon," tawag sa'kin ni Agustino kaya napatingala ako sa kanya.

Ako na lang ang nandito sa puntod ni Lino, nakaupo sa lupa. Pero sa hindi kalayuan ay sina Señor Magnus. Tiyak na hindi sila aalis hangga't hindi ako kasama lalo pa't malapit na ring gumabi.

"Maaari bang tumabi?" tanong niya pa.

Tumango lang ako at muling binalik sa puntod ni Lino ang tingin.

"Kung handa ka n