Kabanat 14: Nakatagong hiwaga ng gardenya

Callea POV,

Isang masamang pangitain ang aking napanaginipan ng mga sandaling mahimbing akong natutulog. Napansin kong wala sa aking tabi ang munting fairy.

"Lila...!Lila..!" Tawag ko sa pangalan niya.  Kahit anino ay di ko siya nakita.

"Baka nagtungo siya sa mundo ng mga tao." Nasaisip ko.

Di ko na magawang matulog muli kaya naisipan kung lumabas ng silid kung saan ako naroroon. Bahagya kong binuksan ang pinto at sumilip muna ako sa maliit na siwang ng pintuan. Tahimik ang paligid kaya lumabas na ako at dahan-dahan na isinara ang pintuan. 

"Bat ang tahimik." Pagtataka ko.

Naglakad ako at nilibot ang buong palasyo. Napakaganda tingnan ng palasyo ngunit nasira ang ganda nito dahil sa mga ginto. Habang naglalakad ay di ko namalayan na nasa truno ng ako ng totoong hari at reyna. Wala ang queen at di ko siya makita sa kung saan.

" Bakit ka nandito?" pamilyar ang boses na nasa aking likuran.

Paglingon ko ay nakita ko si Lero.

"Wala lang, di kasi ako makatulog ulit. Nagising kasi ako sa masamang panaginip." Sagot ko.

"Ganun ba." Matipid niyang sabi.

"Baka makita ka ng Queen mahal na prinsesa." 

" Di naman ako natatakot sa kanya." Sabi ko.

"Kanina ko pa napapansin na wala ang queen." Pagpatuloy ko.

"Sa oras na ito ay nagpapahinga siya sa kanyang silid." Sabi ni Lero habang nakatingin sa isa sa mga silid sa taas.

"Kung ganun Lero pwede nating makuha ang gintong baston kapag oras ng pahinga niya."

"Hindi Cal sapagkat delikado." 

"Ano na ang gagawin natin?" Tanong ko.

"Sa ngayon wala, mag antay muna tayo ng tamang pagkakataon."

Bigla silang natigilan ng may narinig silang yabag ng mga paa.

"Magtago ka." Mabilis na sabi ni Lero.

Nagtago ako sa sa isang malaking kurtina na nasa gilid lang namin. Yun ang nagsisilbing kurtina ng napakalaking bintana. Nakita ni Lero ang parating na queen. Lumapit ang queen kay Lero na may pagtataka.

" Kamahalan..," Matipid na sabi ni Lero.

" Bakit nandito ka sa ganitong oras Lero?"

" Nagmamasid lang po sa paligid kamahalan."

Pumunta ang queen sa truno at napaupo.  binitawan niya at isinandal ang kanyang gintong baston sa tabi niya.

" Aalis na po ako." Paalam ni Lero.

Di na nagsalita ang Queen at umalis na si Lero. Naiwan ako kung saan ako naroroon. Di na ako nagawang tingnan ni Lero para di makahalata ang Queen. 

" Outch...." Sabi ko sa mahinang boses.

May kumagat sa paa ko.

"Sino nandyan?" Tanong ng queen.

Napansin ng queen ang paggalaw ng mga kurtina. Lumabas na ako at nagpakita sa kanya. Di pa nakalayo si Lero ng nagpakita ako sa queen kaya paglingon niya ay nakita niya ako na palabas sa aking kinatataguan. Kaya nagmadali ito bumalik.

" At anong ginagawa mo dyan!?Pagalit na tanong nito.

Di ako makapagsalita ng mga oras yun. Nanginginig ang buo kung katawan.

"Ah kamahalan ako na po ang bahala sa kanya." Mabilis na sabi ni Lero. 

Inilayo ako ni Lero kung saan naroon ang queen. Hila-hila niya ang mga kamay ko papalayo. Tiningnan ko muli ang queen at nakatingin pa rin ito sa amin. Napasandal na lang ito sa kanyang kinauupuan ng makalayo na kami. Dinala ako ni Lero sa isang silid na kinalalagyan ko.

" Bakit ka ba nagpakita Cal?"

"Meron kumagat sa paa ko kaya gumalaw ang kurtina sa kalikutan ko."

Patuloy ang pag uusap namin hanggang sa makarating kami sa isang silid. Dalawa lang kami naroon at wala si Lila. Nasa loob na kami ng silid at binitawan na niya ang kamay ko. Palabas na siya ng pintuan ng pinigilan ko siya. 

"Lero....,"Tawag ko.

" Oh bakit.?" 

Lumapit ako sa kanya at bigla naman niya isinara ang pintuan.

" May kailangan ka pa ba?" Tanong niya.

Bigla ko siyang hinalikan sa labi. Pinigilan niya ako at inilayo niya ang mga labi niya sa akin. Tiningnan niya ako sa aking mga mata at biglang hinalikan niya ako. Mapusok ang bawat h***k ng labi niya sa labi ko.

"Pagkakasala ito Cal at baka saan pa mapunta." Tumigil siya sa paghalik.

"Bakita naman? Di ba mahal mo ko?" Tanong ko.

" Mahal na mahal kita ngunit prinsesa ka at di maari na mangyari ang gusto natin." Hinawakan niya ako sa aking mga balikat at tsaka umalis palabas ng pintuan.

Madaling araw pa lang ng mga oras na yun. Di ko alam kung ano ang nangyayari sa akin. Gusto ko lang lagi kasama si Lero. 

"Ano ba tong ginawa ko?" Napaupo ako sa gilid ng malaking kama.

Di ko na namalayan na unti-unting pumatak ang mga luha ko. 

"Di ko na alam ang gagawin ko." Napatingin ako sa bintana.

Maya-maya ay nakaramdam ako ng antok kaya napahiga ako at tuluyan ng nakatulog ng mga sandaling yun.

"Kamahalan....kamahalan...gising..," 

Nagising ako sa ingay ng boses. Pagdilat ko ay bumungad sa akin si Lila. Bigla ako napatayo at nagalak ng makita siya. Tanghali na at mataas na ang sikat ng araw.

" Lila...... saan ka ba galing?" Pumapatak ang mga luha ko.

"Prinsesa ok ka lang?" Napansin niya ang mga luha sa mata ko.

"Ok lang ako Lila."

"Sure ka ha." Pagsisiguro niya.

"Ang totoo niyan...."Natigilan ako.

"Ano yun?" Tanong niya ulit.

" Ah wala, wag mo na isipin yung sasabihin ko at wala lang yun."

Tiningnan niya muna ako na parang may kasalanan akong nagawa tsaka siya nagsalita.

" Sinunod ko yung bilin nyo kamahalan. Nakita ko ang mga kaibigan mo at binalita ko sa kanila ang nangyari sayo." Umupo siya sa mesa.

" Tapos ano sabi nila?" Tanong ko. Pumunta ako sa bintana  malapit sa mesa na kinaroroonan ni Lila.

"Ayun at nag aalala silang lahat sayo kamahalan."

Umihip ng bahagya ang hangin galing sa labas papasok sa bintana.

" Pero may masamang balita kamahalan."

"Ano yun?"

" Kasama ang mga tinuri mong mga magulang sa mga taong naging ginto."

" Ano!?" Nagulat ako ng marinig ko na kasama ang mga magulang ko. 

Napaluha ako at galit na galit sa queen. Puno ng galit ang naramdaman ko sa mga oras na yun.

"Huwag ka na malungkot mahal na prinsesa. Maibabalik din natin sila sa dati." Malungkot na sabi ni Lila at lumipad sya sa harap ko.

"Paano nakasama sila dun?" Tanong ko habang pumapatak ang aking mga luha.

"Kwento ng mga kaibigan mo ay nilabanan ng iyong ina ang queen of gold ngunit bigo itong talunin ang queen."

"kaya kailangan na talaga natin kumilos para pabagsakin ang queen prinsesa."

"Paano eh wala akong sapat na kapangyarihan para matalo ang queen." Naiinis kung sabi. 

" Hahanap ako ng paraan, hahanap ako ng tutulong sa atin prinsesa." 

" Saan naman at sino mga yun?" Tanong ko muli. 

"Di ko pa alam, balitaan na lang ulit kita prinsesa.

Umalis na si Lila at naiwan ulit ako mag isa sa silid na kinaroroonan ko. Naisip ko na tanging sa labas ng gardenya lamang bawal ako pumunta. Sinubukan ko lumabas sa pintuan at saktong wala ang queen kaya nakalabas ako sa palasyo. Nilibot ko ang paligid na tinawag nilang gardenya. Maraming mga bagay, mga nilalang na naging ginto. May nakita akong daanan sa malaking puno. Palaisipan sa akin kung ano meron sa bahaging yun. Tiningnan ko muna ang paligid bago ako pumasok sa malaking butas sa malaking puno. Maliwanag sa loob at sa dulong bahagi ay makikita ang isang maliit na lagusan. 

"Ano kaya meron dun?" Naglakad ako at narating ko ang lagusan.

" Merong pintuan?" Pagtataka ko.

Binuksan ko ito at tumambad sa akin ang napakagandang mga tanawin.

" Wow........," Natuwa ako sa aking mga nakita.

"Di ko akalain may sekreto pa palang nakatago sa lugar na ito." Napangiti ako.

Masaya kong nilibot ang paligid ng lugar. Malaki at malawak na parang paraiso sa ganda ang lugar.

"Maganda ba?" Pamilyar ang boses.

 Nagulat ako ng marinig ang boses galing sa likod. Paglingon ko ay nakita ko si Lero.

" Lero?"

"Oh bat parang gulat na gulat ka Cal."

" Sino ba naman hindi magugulat na bigla ka na lang susulpot noh." Inis kung sabi na may pagtataray.

" Nahanap mo pala to." Tumingin sa akin si Lero.

" Ah oo, di kasi ako mapalagay Lero kaya naisipan kong lumabas ng palasyo."

Napaupo siya sa damuhan at umupo na rin ako sa tabi niya. Tahimik ang paligid at tanging ingay lang ng lugar ang maririnig. Mga ibon na lumilipad at ang tubig na umaagos maging ang pag ihip ng hangin. Masaya naming pinagmasdan ang paligid ng magkasama.

" Dito ko huling nakasama ang aking ina Cal." Malungkot ang mga mata niya habang nagsasalita.

" Nasaan na siya?"Tanong ko.

"Di ko rin alam kung nasaan siya. Bigla na lang siyang nawala at walang nakakaalam kung ano ang nangyari sa kanya." 

"Nakakalungkot naman." Sabi ko.

Napahawak ako sa braso niya at napasandal sa kanyang balikat.

" Mahiwaga ang lugar na ito sabi ng aking ina."

"Mahiwaga."

"May kung anong mahika meron dito."

"Ano mahika?" Tanong ko ulit.

" Oo mahika Cal, tulad na lamang ng tubig."

May kinuha siya sa kanyang bulsa at pinakita sa akin.

"Ano naman yan.?"

"Tubig, mahiwagang tubig ito Cal."

Kinuha ko ang bagay na hawak niya at tiningnan ko na malapitan.

"Paano naman naging mahiwaga to.?"

" Di ko rin alam, basta nag alam ko mahiwaga ang tubig na yan kaya kumuha ako ng kaunti at baka kakailanganin natin."

Tumagal ang usapan namin sa lugar na yun hanggang sa maisipan na namin umalis. 

"Bumalik na tayo sa palasyo mahal na prinsesa." Yaya ni Lero na nakatingin sa akin.

Tumayo siya sa pagkakaupo at sumunod na rin ako. Inalalayan niya ako makatayo. Bago kami lumabas sa lugar na yon ay kumuha muna kami ng prutas tsaka namin nilisan ang mahiwagang lugar na yun.