312.

“Ha? Para sa akin?” Tiningnan ni Hazel ang mga bulaklak na dala ni Aling Nita. “Imposible naman na galing kay Steve iyan.”

“Kaya nga nagtataka din ako. Kanino kaya galing ito?” Nagtataka din na tanong nito. “May lakad ka? Nakabihis ka yata.”

Winaglit niya ang tungkol sa mga bulaklak. “Ah, oho. Balak ko kasing puntahan sila Aling Fatima at sila Toni para ipaalam na buhay pa ako. Sigurado ako na nasaktan sila noon sa nangyari sa akin.”

“Ang bilin sa akin ng lolo mo ay wag kang hayaan na umalis ng walang bantay. Kaya hindi ka pwedeng umalis ng walang kasamang bodyguards.” Tinawag ng matanda ang mga bodyguards at binilinan. “Wag na wag mong hayaan na mawala si Hazel sa paningin ninyo. Kung hindi ay pareho tayong malilintikan kay Chairman.”

“Anong kaguluhan ito?”

“Lolo!” Lumapit ang dalaga sa abuelo at humalik sa pisngi nito. “Ang aga niyo naman bumalik. Nasaan na si Allan?” Tukoy niya sa personal nurse nito.

“May inutos lang ako saglit sa kanya.”

KUMUNOT ANG NOO ni Frank ng