307.

BUMUNTONG HININGA si Hazel habang nakasandal sa pader at pinapakinggan ang pagatatalo sa loob. Katulad ng kanyang inasahan, hindi pumayag ang ibang kaanak ng lolo niya sa desisyon nito.

Limang taon na din ang nakakalipas simula ng dalhin siya sa Amerika ng lolo niya para ipagamot. Mabuti nalang at nakalabas na siya ng gusali ng tumawag sa kanya si Steve kaya hindi siya malubha ang tinamo niyang pinsala. Pero dahil tinamaan ang binti niya, kailangan niyang dalhin sa ibang bansa para maipagamot at makalakad. Gusto niya sanang sabihin sa mga kaibigan niya na buhay siya at ligtas, ngunit tumutol si Lolo Henry. Mas makabubuti daw na ilihim muna niya na ligtas siya dahil baka muling malagay sa alanganin ang buhay niya. Naniniwala kasi ito at si Steve na sinadya ang pagsabog ba yon para mapahamak siya.

Nang makaramdam ng tawag ng kalikasan ay nagtungo siya sa restroom, nagretouch na rin siya ng makeup.

Tumingin siya sa daliri niya kung nasaan ang singsing na galing kay Steve. Noong un