Episode 20

ELENA'S POV--

Mag isa si Elena sa condo ni Alvin nang araw na iyon. Masama ang kanyang pakiramdam at feeling niya ay dadatnan siya anumang oras kaya't hindi na muna siya pumasok sa trabaho. Madalas din siyang mahilo at nanlalata. Ilang araw na niyang nararanasan ang ganon at wala siyang ideya kung bakit. Siguro ay dala nang stress sa dami niyang iniisip.

Si Alvin ay pumasok na sa opisina nito. Ayaw pa nga sana nitong magtrabaho at ginigiit na samahan siya ngunit tigas ang kanyang pagtanggi. Marami itong obligasyon at hindi pwedeng dahil lang masama ang pakiramdam niya ay hahayaan na nito iyon. Isang oras na ang lumipas mula nang umalis ito at nagdesisyon siyang humiga muna sa sofa at monood nang netflix.

Nasa kalagitnaan siya nang panonood nang may narinig siyang may tao sa labas. Tunog nang doorbell ang nagpatayo sa kanya. Napailing pa siya sa apag aakalang si Alvin ang nasa labas at hindi nakatiis kaya't umuwi.

"Hays! Ang tigas talaga nang ulo nang lalaking 'to. Sabi nang okay la